திமுக கூட்டணி விவகாரம்: ராமதாஸ் குறித்து கருத்து – காங்கிரஸ், விசிக இடையே மோதல்
திமுக கூட்டணியில் ராமதாஸ் தரப்பு இணையும் வாய்ப்பு உள்ளது என தமிழக காங்கிரஸ் தலைவர் செல்வப்பெருந்தகை கூறியதற்கு, விடுதலைச் சிறுத்தைகள் கட்சி (விசிக) தரப்பில் கடும் எதிர்ப்பு எழுந்துள்ளது.
தமிழக சட்டமன்றத் தேர்தல் நெருங்கி வரும் நிலையில், மாநில அரசியல் சூழல் அதிக பரபரப்பை ஏற்படுத்தி வருகிறது.
இந்த நிலையில், தேவையெனில் விசிகவும் ராமதாஸ் தரப்பும் ஒரே கூட்டணியில் இடம்பெறலாம் என செல்வப்பெருந்தகை வெளியிட்ட கருத்து சர்ச்சையை கிளப்பியுள்ளது.
இதற்கு பதிலளித்துள்ள விசிக எம்.எல்.ஏ பாலாஜி, செல்வப்பெருந்தகை அரசியல் நாகரிகமற்ற முறையில் பேசுகிறார் எனக் கூறி கடுமையாக கண்டனம் தெரிவித்துள்ளார்.
திமுக மற்றும் காங்கிரஸ் கட்சிகளுக்கிடையே கருத்து வேறுபாடு அதிகரித்து வரும் சூழலில், தற்போது அதே கூட்டணியில் உள்ள கட்சிகளுக்குள்ளேயே மோதல் வெளிப்படையாக உருவாகி இருப்பது அரசியல் வட்டாரங்களில் பெரும் விவாதத்தை ஏற்படுத்தியுள்ளது.
