ரிஷிகேஷ் குறித்து வெளிநாட்டு பெண்ணின் உருக்கமான இன்ஸ்டா பதிவு வைரல்
உத்தராகண்ட் மாநிலத்தில் அமைந்துள்ள ரிஷிகேஷ் நகரம் தனக்கு அளவற்ற மனஅமைதியையும் மகிழ்ச்சியையும் வழங்கியதாக வெளிநாட்டு பெண் ஒருவர் தனது இன்ஸ்டாகிராம் பதிவில் உருக்கமாக பகிர்ந்துள்ளார். இந்த பதிவு தற்போது சமூக வலைதளங்களில் வைரலாகி வருகிறது.
யோகா மையங்கள், கங்கை ஆரத்தி, இமயமலையின் அடிவாரத்தில் பரந்து விரிந்த இயற்கை அழகு ஆகியவற்றால் உலகளவில் புகழ்பெற்ற நகரமாக ரிஷிகேஷ் திகழ்கிறது. மன அழுத்தம், வாழ்க்கை சிக்கல்கள் போன்றவற்றிலிருந்து விடுபட பல வெளிநாட்டவர்கள் இங்கு நீண்ட நாட்கள் தங்கி யோகா, தியானங்களில் ஈடுபடுவது வழக்கமாக உள்ளது.
இந்த நிலையில், லியோனி என்ற வெளிநாட்டு பெண், ரிஷிகேஷில் தங்கியிருந்த காலம் தன்னுள் மறைந்திருந்த அமைதியையும் சந்தோஷத்தையும் மீண்டும் கண்டெடுக்க உதவியதாக தெரிவித்துள்ளார்.
ரிஷிகேஷ் தன்னை மீண்டும் சுதந்திரமாக சிரிக்கவும், வாழ்க்கையை எளிதாக எதிர்கொள்ளவும், ஒவ்வொரு தருணத்தையும் நேசிக்கவும் கற்றுக்கொடுத்த இடம் என அவர் தனது பதிவில் நெகிழ்ச்சியுடன் குறிப்பிட்டுள்ளார்.
இந்த பதிவு, ஆன்மிகம் மற்றும் இயற்கை இணைந்த வாழ்க்கையின் தாக்கத்தை வெளிப்படுத்துவதாக சமூக வலைதள பயனர்களிடையே பாராட்டுகளை பெற்றுள்ளது.
