தந்தை கே.சி.ஆர் கட்சிக்கு எதிராக ‘கலகம்’ – கவிதாவின் அரசியல் எதிர்காலம்
பிஆர்எஸ் கட்சியில் இருந்து தனது மகள் கவிதாவை அதிரடியாக சஸ்பெண்ட் செய்த சம்பவம், தெலங்கானா அரசியலில் பெரிய புயலை கிளப்பியுள்ளது. இதனால் கவிதாவின் அரசியல் எதிர்காலம் குறித்து பல தகவல்கள் வெளிவருகின்றன.
பிஆர்எஸ் கட்சியினர் குற்றஞ்சாட்டுவதன்படி, கவிதா எதிர்க்கட்சிகளின் ஆதரவுக்குள் செயல்படுவார் எனக் கூறப்படுகிறது. இதனால் தற்போதைய சூழலில் அவருக்கு எந்த அரசியல் லாபமும் கிடைக்காது. அரசியல் நிபுணர்கள் கருதுவது, கவிதாவுக்கு ஒரே வழி – தனக்கான ஆதரவைக் காத்து வலுப்படுத்துவது மட்டுமே.
கவிதா தெலங்கானாவில் பரிச்சயமான முகம். கே.சி. சந்திரசேகர் ராவ் மகள் என்ற அடையாளம் அவருக்கு அரசியல் களத்தில் முன்னுரிமை அளிக்கிறது. மேலும், பல ஆண்டுகளாக அரசியல் களத்தில் ஈடுபட்டிருப்பதால் அனுபவமும் கிடைத்துள்ளது.
அவர் ‘கள அரசியல் பல்ஸ்’ என்ற பொருளை நன்கு அறிந்தவர்; எது ஏற்றம், எது தோல்வி என்பதைக் கவனித்து செயல் படுகிறார். பிஆர்எஸ் கட்சிக்குள்ளேயே அவருக்கான ஆதரவாளர்கள் உள்ளனர்; தொழிற்சங்க நிர்வாகிகள் வரை இதன் பட்டியல் நீளமாகும். மேலும், வழக்கறிஞராகவும், மகளிர் இடஒதுக்கீடு, பிற்படுத்தப்பட்ட வகுப்பினருக்கான இடஒதுக்கீடு போன்ற சமூக உரிமைகள் குறித்து குரல் கொடுத்தவர்.
அரசியல் கட்சிகள் பெரும்பாலும் ஆணாதிக்க முறையில் செயல்படுகின்றன; பெண்களுக்கு சம வாய்ப்பு இல்லை. பிஆர்எஸ் அதிலிருந்து விலகவில்லை என அவர் தொடர்ந்து வாதம் முன்வைக்கிறார். இதனால், தனி கட்சி தொடங்கும் முனைப்பு அவர் காட்டுவார் என்பது நிபுணர்களின் கணிப்பு. ஆனால் அடுத்த சட்டப்பேரவைத் தேர்தல் இன்னும் மூன்று ஆண்டுகள் தூரம்; அந்த நேரத்தில் கவிதா அரசியல் களத்தில் நீர்த்துப் போகாமல் இருப்பது ஒரு பெரிய சவால்.
கே.சி.ஆர் மகள் என்பதால் கவிதா தெலங்கானாவில் பரிச்சயமுள்ளவர். ஆனால் குடும்ப உள்தரப்பில் ஏற்பட்ட அதிருப்திகள் புதிய கட்சி தொடங்குவது சுலபம் அல்ல. ஜெகன்மோகன் – ஒய்.எஸ். சர்மிளா சம்பவம் இதற்கு உதாரணம். கே.சி.ஆர், மகளைக் காட்டிலும் மகனை அரசியல் வாரிசாக பார்க்கிறார்; எதிர்ப்புகள் இருந்தாலும் அவர் தலைவராக முடியும் என்பது உறுதி. இதே பின்னணியில் கவிதா எதிர்நீச்சல் செய்வது அவரது திறமையை சார்ந்தது.
சஸ்பெண்ட் செய்யப் பட்ட பின்னணி: பிஆர்எஸ் கட்சியிலிருந்து கவிதா, நிஜாமாபாத் மேலவை உறுப்பினர், கே.சி. சந்திரசேகர் ராவால் சஸ்பெண்ட் செய்யப்பட்டார். கடந்த காலத்தில் கட்டப்பட்ட காலேஷ்வரம் அணை சரிந்தது தொடர்பாக தற்போதைய காங்கிரஸ் அரசு விசாரணை நடத்தியது; இதற்காக சிபிஐ விசாரணை உத்தரவிடப்பட்டது.
பிபிஆர்எஸ் ஆட்சியில் கட்டப்பட்ட காலேஷ்வரம் அணை கமிஷன் வழியாக தரமின்றி கட்டப்பட்டதாகக் குற்றம்சாட்டப்படுவதால், சிபிஐ விசாரணை தேவைப்படுவதாகவும், இது தெலங்கானாவில் பெரிய அரசியல் அதிர்ச்சியை ஏற்படுத்தியதாகவும் கூறப்படுகிறது.
கவிதா தனது கட்சியினர், உறவினர்கள் முன்னிலையில் தெரிவிப்பதாவது:
“காலேஷ்வரம் அணை கட்டும்போது, ஹரீஷ் ராவ் நீர்வளத் துறை அமைச்சர்; பின் மூத்த தலைவரும், மாநிலங்களவை எம்பியுமான சந்தோஷும் சம்பந்தப்பட்டுள்ளனர். இவர்களால் தந்தை கே.சி.ஆருக்கு அவப்பெயர் ஏற்பட்டது. இப்போது சிபிஐ விசாரணை நடைபெறுகிறது; எனக்கு எதிராக மட்டும் குறை கூறும் கும்பல் உள்ளது.”
இதற்குப் பிறகு, செவ்வாய்க்கிழமை பிஆர்எஸ் செயலாளர்கள் பரத் குமார் மற்றும் ரவீந்திரநாத் ராவ் கூட்டாக அறிக்கை வெளியிட்டு, கவிதா கட்சியில் இருந்து சஸ்பெண்ட் செய்யப்படுவதாக அறிவித்தனர். இது கட்சித் தொண்டர்களுக்கு அதிர்ச்சி அளித்தது.
மேலும், கவிதா தனது அடிப்படை உறுப்பினர் மற்றும் மேலவை உறுப்பினர் பதவிகளை ராஜினாமா செய்யலாம்; புதிய கட்சியைத் தொடங்கும் வாய்ப்பும் இருக்கலாம் என கருத்துக்கள் வருகின்றன.
