பிஹார் சட்டப்பேரவை தேர்தல்: அதிகபட்சம் 2 கட்டங்களில் நடத்த அரசியல் கட்சிகள் கோரிக்கை
பிஹாரில் நடைபெற உள்ள சட்டப்பேரவை தேர்தலை அதிகபட்சம் இரண்டு கட்டங்களில் நடத்த அரசியல் கட்சிகள் இந்திய தேர்தல் ஆணையத்திற்கு கோரிக்கை விடுத்துள்ளன.
தற்போது தேர்தல் அடுத்த மாத இறுதிக்குள் நடைபெற வேண்டும் என திட்டமிடப்பட்டுள்ளது. இதனை முன்னிட்டு, தலைமைத் தேர்தல் ஆணையர் ஞானேஷ் குமார் மற்றும் தேர்தல் ஆணையர்கள் விவேக் ஜோஷி, சுக்பீர் சிங் சந்து தலைமையில் அனைத்து முக்கிய கட்சிகளின் பிரதிநிதிகள் கலந்த ஆலோசனைக் கூட்டம் நடைபெற்றது. இதில் ஆறு தேசிய, ஆறு மாநில கட்சிகள் உள்ளிட்ட 12 கட்சிகள் கலந்துகொண்டன.
பிஹார் பாஜக தலைவர் திலிப் ஜெய்ஸ்வால் கூறியதாவது, “ஒற்றை கட்ட அல்லது அதிகபட்சம் இரண்டு கட்டங்களில் தேர்தலை நடத்தும்போது, வேட்பாளர்களின் செலவு குறையும். புர்கா அணிந்த வாக்களிப்பவர்களை பெண் அதிகாரிகள் சோதிக்க வேண்டும். வாக்காளர் நம்பிக்கையை அதிகரிக்க துணை ராணுவப்படைகள் கொடி அணிவகுப்பு நடத்தப்பட வேண்டும். ஆற்றங்கரை பகுதிகளில் வாக்குச் சாவடிகளைக் கைப்பற்றும் வாய்ப்புகள் உள்ளதால், அங்கு குதிரை ரோந்தி ஏற்பாடுகள் செய்ய வேண்டும்” எனும் பரிந்துரைகள் அளிக்கப்பட்டுள்ளன.
ஐக்கிய ஜனதா தளம் ஒரே கட்டமாக தேர்தல் நடத்த விரும்பும் நிலையில், தேவை ஏற்படுமானால் இரண்டு கட்டங்களாக நடத்தவும் அனுமதி தரக்கூடும் என்று தெரிவித்தது. ராஷ்ட்ரிய ஜனதா தளம், வாக்காளர் பட்டியலில் நீக்கப்பட்ட 3.66 லட்சம் பேர் தொடர்பான விளக்கத்தையும் தேர்தல் ஆணையத்திடம் கோரியுள்ளது.
இந்த ஆலோசனை கூட்டத்துடன் இணைந்து, மாநில ஆணையர்கள், இன்ஸ்பெக்டர் ஜெனரல்கள், மாவட்ட தேர்தல் அதிகாரிகள், மூத்த காவல் அதிகாரிகள் உள்ளிட்ட அரசு உயர் அதிகாரிகளுடன் கூட ஆலோசனைகள் நடந்தன.
