விபத்து குறித்த தகவலை கேட்ட நபரை திடுக்கிடும் விதத்தில் திட்டிய போக்குவரத்து காவலர் – ஆடியோ வெளியீடு சர்ச்சை!
சென்னைக்கு அருகே தாம்பரம் பகுதியில், ஒரு வாகன விபத்து குறித்து தகவல் அறிய முயன்ற நபரை, சம்பந்தப்பட்ட போக்குவரத்து புலனாய்வு காவலர் திட்டியும் மிரட்டியும் பேசிய ஆடியோ ஒன்று வெளியாகி பரபரப்பை ஏற்படுத்தியுள்ளது.
தாம்பரம் கடப்பேரியில் வசிக்கும் மகேந்திரன், கடந்த செப்டம்பரில் ராப்பிடோ ஆப் மூலம் நெல்சன் என்ற நபரை இருசக்கர வாகனத்தில் அழைத்துச் சென்றார். அப்போது சேலையூர் பகுதியில், மதுபோதையில் இருந்த இருவர் எதிரே வந்து மோதியதால் கடுமையான விபத்து ஏற்பட்டது. இதில் நெல்சன் சிகிச்சை பலனின்றி உயிரிழந்தார்.
தானும் படுகாயமடைந்த மகேந்திரன் இன்னும் மருத்துவமனையில் சிகிச்சை பெற்று வருகிறார். இதனிடையில், இந்த வழக்கின் நிலை குறித்து பள்ளிக்கரணை போக்குவரத்து புலனாய்வு பிரிவில் பணிபுரியும் எழுத்தர் ஹரியிடம் அவர் தொலைபேசியில் விசாரித்ததாக கூறப்படுகிறது.
அவரின் கேள்விக்கு பதிலளிப்பதற்குப் பதிலாக, ஹரி கடுமையான, மிரட்டும் குரலில் பேசிக் கொண்டதோடு, அவமானகரமான வார்த்தைகளையும் பயன்படுத்தியதாக ஆடியோவில் பதிவாகியுள்ளது. அந்த ஆடியோ வெளியான பிறகு, சம்பவம் சமூக வலைதளங்களில் பெரிய சர்ச்சையை உருவாக்கியுள்ளது.
