சபரிமலை பக்தர்கள் விமானத்தில் இருமுடி எடுத்துச் செல்ல அனுமதி – ராம் மோகன் நாயுடு
சபரிமலைக்கு செல்லும் ஐயப்ப பக்தர்கள், தங்கள் இருமுடியை விமானத்தில் எடுத்துச் செல்ல மத்திய விமான போக்குவரத்து அமைச்சகம் அனுமதித்துள்ளது.
லட்சக்கணக்கான பக்தர்கள் புனித யாத்திரை மேற்கொண்டு வருகின்ற நிலையில், பக்தர்கள் இருமுடிக்கு கொடுத்துள்ள ஆழமான மதிப்பையும் உணர்வையும் கருத்தில் கொண்டு இந்த அனுமதி வழங்கப்பட்டுள்ளது என்று மத்திய விமான போக்குவரத்து அமைச்சர் ராம் மோகன் நாயுடு தெரிவித்தார்.
மக்களின் உணர்வுகளை மதிப்பது நோக்கமாகக் கொண்ட இந்த நடவடிக்கையில், அனைத்து பாதுகாப்பு விதிமுறைகளும் கடைபிடிக்கப்படும் என்றும் அவர் கூறினார்.
