அயோத்தி ராமர் கோயிலின் 161 அடி உயர முதற்கோபுரத்தின் மேல் அமைந்துள்ள 30 அடி உயரக் கொடிக்கம்பத்தில் காவி நிறக் கொடியை பிரதமர் நரேந்திர மோடி ஏற்றி வைத்தார்.
கொடியேற்ற விழாவில் பங்கேற்பதற்காக அயோத்தி வந்த பிரதமர் மோடிக்கு விமான நிலையத்தில் உத்தரப்பிரதேச முதல்வர் யோகி ஆதித்யநாத் மலர்க்கொத்து வழங்கி அன்பான வரவேற்பு செய்தார்.
அதனைத் தொடர்ந்து கோயிலுக்குச் செல்லும் வழித்தடத்தில் பிரதமர் மோடி ரோடு ஷோவில் பங்கேற்றார். சாலையின் இருபுறமும் திரண்டிருந்த மக்கள் தேசியக்கொடியை அசைத்து அவருக்கு உற்சாக வரவேற்பு அளித்தனர்.
பின்னர் ராமர் கோயிலுக்குள் பிரதமர் மோடி, மாநில முதல்வர் யோகி ஆதித்யநாத், ஆர்எஸ்எஸ் தலைவர் மோகன் பகவத், ஆளுநர் ஆனந்திபென் உள்ளிட்டோர் சிறப்பு பூஜையில் கலந்து கொண்டனர். கோயில் நிர்வாகம் அவர்களுக்குத் தலா மரியாதை நிகழ்த்தியது.
அதனைத் தொடர்ந்து, கோயிலின் 161 அடி உயர கோபுரத்தின் மேல் அமைக்கப்பட்ட 30 அடி உயரக் கம்பத்தில் பிரதமர் மோடியும், மோகன் பகவத்தும் சேர்ந்து காவி கொடியை ஏற்றி வைத்தனர். 22 அடி நீளம், 11 அடி அகலத்தில் முக்கோண வடிவில் தயாரிக்கப்பட்ட அந்தக் கொடி ஏற்றப்பட்டவுடனே கோயில் வளாகம் முழுவதும் ’ஜெய் ஸ்ரீ ராம்’ என கோஷங்கள் ஒலித்தன.
நிகழ்ச்சி முடிவில், காவிக்கொடியின் சிறப்பு மாதிரியை நினைவுப்பரிசாக பிரதமர் மோடியுக்கும், ஆர்எஸ்எஸ் தலைவர் மோகன் பகவத்துக்கும் முதலமைச்சர் யோகி ஆதித்யநாத் வழங்கினார்.
