அரசியல் கட்சிகளுடன் நடைபெறும் ஆலோசனை கூட்டங்களில் தங்களையும் சேர்க்க வேண்டும் என்று தேர்தல் ஆணையத்திற்கு கடிதம் அனுப்பிய தவெக தலைவர் விஜய், முகவரியை தவறாக அனுப்பிய சம்பவம் தற்போது விவாதமானது.
தமிழகத்தில் அரசியல் கட்சிகளுக்கான முக்கிய விதிகள் மற்றும் கட்டுப்பாடுகளைப் பின்பற்றி, அனைத்து கட்சி ஆலோசனை கூட்டங்களும் பொதுவாக தமிழக அரசு மற்றும் தேர்தல் ஆணையங்களின் மேற்பார்வையில் நடத்தப்படுகின்றன.
இந்த சூழலில், பல்வேறு அரசியல் கட்சிகளுக்கு அழைப்பிதழ்கள் அனுப்பி ஆலோசனை கூட்டங்கள் நடைபெற்று வந்தபோது, தவெக தலைவர் விஜய் இந்தியத் தேர்தல் ஆணையத்துக்கும், மாநிலத் தேர்தல் ஆணையத்திற்கும் கடிதம் ஒன்றை அனுப்பியுள்ளார்.
அந்தக் கடிதத்தில், அரசியல் கட்சிகளுடன் நடைபெறும் ஆலோசனை கூட்டங்களில் தங்களைக் குறிப்பிடாமல் விடுத்ததாக குற்றச்சாட்டியிருந்த அவர், தவெகவை கூடுதல் ஆலோசனை கூட்டங்களில் பங்கேற்க அழைக்க வேண்டும் என்று கோரியுள்ளார்.
ஆனால், அந்தக் கடிதத்தை தலைமை செயலகத்தில் உள்ள தேர்தல் ஆணைய அலுவலருக்கு அனுப்புவதற்குப் பதிலாக, சென்னை கோயம்பேட்டில் உள்ள அலுவலகத்திற்கு அனுப்பியதால், ஒரு கட்சியின் தலைவர் முகவரி தவறாக அனுப்பிய சம்பவம் சமூக வலைதளங்களில் பரபரப்பை ஏற்படுத்தியுள்ளது.
