பாலிவுட் நடிகை ரவீணா டாண்டன், தமிழில் அர்ஜுனுடன் ‘சாது’, கமல்ஹாசனுடன் ‘ஆளவந்தான்’ போன்ற திரைப்படங்களில் நடித்தவர். மேலும், ‘கே.ஜி.எஃப் 2’ படத்திலும் முக்கியமான வேடத்தில் நடித்திருந்தார். அவருக்கு ராஷா தடானி என்ற மகளும், ரன்பீர் வர்தன் என்ற மகனும் உள்ளனர்.
அதனைத் தவிர, பூஜா மற்றும் சாயா என்ற இரு பெண் குழந்தைகளையும் தத்தெடுத்து வளர்த்து வருவது குறிப்பிடத்தக்கது.
இந்நிலையில், ரவீணாவின் மகள் ராஷா தடானி, ‘ஆசாத்’ என்ற இந்தி திரைப்படத்தின் மூலம் நாயகியாக அறிமுகமானார். அபிஷேக் கபூர் இயக்கிய அந்தப் படத்தில் அஜய் தேவ்கன் முன்னணி கதாபாத்திரத்தில் நடித்தார். படம் பெரிய வெற்றியைப் பெறவில்லை என்றாலும், அதிலுள்ள ‘உயி அம்மா’ பாடல் கணிசமான வரவேற்பைப் பெற்றது.
