பிஹார் சட்டப்பேரவைத் தேர்தலுக்காக உலக வங்கி வழங்கிய நிதியில் இருந்து ரூ.14 ஆயிரம் கோடி எடுத்து பெண் வாக்காளர்களுக்கு வழங்கப்பட்டதாக ஜன் சுராஜ் கட்சியின் செய்தித் தொடர்பாளர் பவன் வர்மா தெரிவித்துள்ளார்.
ஒரு செய்தி நிறுவனத்துக்கு அளித்த பேட்டியில் அவர் கூறியதாவது:
“முக்கிய மந்திரி மகிளா ரோஜ்கர் யோஜனா திட்டத்தின் கீழ், 1.25 கோடி பெண்களின் வங்கி கணக்குகளில் தலா ரூ.10,000 போடப்பட்டுள்ளது. பிஹாரின் மொத்தப் பொதுக் கடன் தற்போது ரூ.4,06,000 கோடியாக உயர்ந்தள்ளது; தினசரி வட்டி மட்டும் ரூ.63 கோடி. அரசு நிதி நிலையம் வெறிச்சோடி நிற்கிறது.
பெண்களுக்கு வழங்கப்பட்ட இந்தத் தொகை, உலக வங்கியிலிருந்து வேறு திட்டத்திற்காக வந்த ரூ.21,000 கோடியில் இருந்து எடுக்கப்பட்டதாக எங்களிடம் தகவல் உள்ளது. தேர்தல் நடத்துமுறைகள் அமலுக்கு வருவதற்கு ஒரு மணி நேரத்திற்கு முன் ரூ.14,000 கோடி எடுத்துக் கொள்ளப்பட்டு, மாநிலம் முழுவதும் உள்ள பெண்களிடம் வழங்கப்பட்டது.
இந்தத் தகவல் தவறானது என நிரூபிக்கப்பட்டால் மன்னிப்பு கேட்கத் தயார். ஆனால் உண்மையாக இருந்தால், அரசு நடத்தியதை நெறிமுறையற்ற செயலாகவே கருத வேண்டிய நிலை உள்ளது. தேர்தலுக்குப்பிறகு இதற்கு வேறு காரணம் சொல்வதும் சாத்தியம்.
மொத்தம் 4 கோடி பெண்களில் 2.5 கோடி பெண்கள் இந்தத் தொகையைப் பெறவில்லை. தேசிய ஜனநாயகக் கூட்டணி ஆட்சிக்கு வராவிட்டால் இந்த நிதி கிடைக்காது என்ற எண்ணம் பெண்களில் உருவாக்கப்பட்டது. எங்கள் கட்சியின் தோல்விக்கு, தேர்தலின் கடைசி நேரத்தில் மாற்றப்பட்ட இந்த ரூ.10,000 தொகையும், பெண்களை நோக்கி அறிமுகப்படுத்தப்பட்ட நலத்திட்டங்களும் காரணமாக இருந்தன” என பவன் வர்மா கூறினார்.
பிரசாந்த் கிஷோர் தலைமையிலான ஜன் சுராஜ் கட்சி பிஹார் தேர்தலில் பெரும் பின்னடைவை சந்தித்தது. போட்டியிட்ட 238 தொகுதிகளில் 236 இடங்களில் டெபாசிட் இழந்தது; மொத்த வாக்கு விகிதம் 3.44% மட்டுமே கிடைத்தது.
