சூர்யாவின் ‘அஞ்சான்’ நவம்பர் 28 ரீ-ரிலீஸ்!
லிங்குசாமி இயக்கத்தில் சூர்யா நடித்த ‘அஞ்சான்’ திரைப்படம் மீண்டும் திரையரங்குகளில் ரீ-ரிலீஸ் ஆகிறது.
கடந்த 2014ஆம் ஆண்டு லிங்குசாமி இயக்கிய ‘அஞ்சான்’ படத்தில் சூர்யா ஹீரோவாக நடித்தார். அவருடன் சமந்தா, வித்யுத் ஜம்வால், சூரி, மனோஜ் பாஜ்பாய் உள்ளிட்ட பலரும் நடித்தனர். யுவன் இசையமைத்திருந்த இப்படம் அந்த காலகட்டத்தில் கடுமையாக ட்ரோல் செய்யப்பட்டது. மீம் கலாச்சாரம் உருவான ஆரம்பகட்டத்தில் இப்படம் தொடர்பான மீம்கள் சமூக வலைதளங்களில் மிகவும் பிரபலமாகின. பெரும் எதிர்பார்ப்புடன் வெளியான படம் வரவேற்பை பெறாததால், லிங்குசாமி அதன்பிறகு நான்கு ஆண்டுகள் எந்த படமும் இயக்கவில்லை. 2018ஆம் ஆண்டு விஷால் நடித்த ‘சண்டக்கோழி 2’ மூலம் அவர் திரும்பி இயக்கம் செய்து வந்தார்.
இந்த நிலையில், தற்போது ‘அஞ்சான்’ மீண்டும் திரையரங்குகளில் ரீ-ரிலீஸ் ஆகிறது. வரும் நவம்பர் 28 அன்று இப்படம் வெளியாகும் என்று அறிவிக்கப்பட்டுள்ளது. வெளியிடப்பட்ட போஸ்டரில் படம் ரீ-எடிட் செய்யப்பட்டுள்ளதாக தெரிவிக்கப்பட்டுள்ளது.
