மேற்கு இந்தியத் தீவுகளை இன்னிங்ஸ் மற்றும் 140 ரன்களில் வீழ்த்திய இந்தியா – அகமதாபாத் டெஸ்டில் விறுவிறுப்பான வெற்றி
அகமதாபாத் நகரில் நடைபெற்ற முதல் டெஸ்டில், இந்திய அணி இன்னிங்ஸ் மற்றும் 140 ரன்கள் வித்தியாசத்தில் மேற்கு இந்தியத் தீவுகளை வீழ்த்தி அபார வெற்றியைப் பதிவு செய்தது.
இரு அணிகளுக்கிடையேயான 2 போட்டிகள் கொண்ட டெஸ்ட் தொடரின் முதல் ஆட்டம் நரேந்திர மோடி ஸ்டேடியத்தில் நடைபெற்றது. டாஸ் வென்று முதலில் பேட்டிங் செய்த மேற்கு இந்தியத் தீவுகள் அணி, இந்திய பந்துவீச்சை எதிர்கொள்ள முடியாமல் 162 ரன்களில் ஆல் அவுட் ஆனது.
பதிலுக்கு பேட்டிங் செய்த இந்திய அணி, சிறப்பான ஆட்டத்தை வெளிப்படுத்தியது. கே.எல். ராகுல், துருவ் ஜூரெல், ஜடேஜா ஆகியோர் தலா சதம் விளாசினர். இதன் மூலம் இந்திய அணி முதல் இன்னிங்ஸில் 5 விக்கெட் இழப்புக்கு 448 ரன்கள் எடுத்து டிக்ளேர் செய்தது. இதனால் இந்தியா 286 ரன்கள் முன்னிலை பெற்றது.
தொடர்ந்து இரண்டாவது இன்னிங்ஸில் மீண்டும் திணறிய மேற்கு இந்தியத் தீவுகள் அணி, இந்திய பந்துவீச்சாளர்களின் தாக்குதலால் 146 ரன்களுக்கு ஆல் அவுட் ஆனது. இதன்மூலம் இந்திய அணி இன்னிங்ஸ் மற்றும் 140 ரன்களில் வெற்றி பெற்றது.
இந்தியா தரப்பில் ஜடேஜா 4 விக்கெட்டுகள், சிராஜ் 3, குல்தீப் யாதவ் 2, வாஷிங்டன் சுந்தர் 1 விக்கெட் என பந்துவீச்சில் சிறப்பித்தனர். தனது சதமும், 4 விக்கெட்டுகளும் காரணமாக ஆட்ட நாயகன் விருது (Player of the Match) ஜடேஜாவுக்கு வழங்கப்பட்டது.
இத்தொடரின் இரண்டாவது டெஸ்ட் போட்டி வரும் அக்டோபர் 10-ம் தேதி டெல்லியில் நடைபெற உள்ளது.
