’கைதி’ மலாய் மொழியில் ரீமேக்
தமிழில் பெரும் வரவேற்பு பெற்ற ‘கைதி’ திரைப்படம் மலாய் மொழியில் ரீமேக் செய்யப்பட்டுள்ளது.
லோகேஷ் கனகராஜ் இயக்கத்தில் கார்த்தி நடிப்பில் வெளிவந்த படம் ‘கைதி’, இந்தியாவில் ரீமேக் செய்யப்பட்டு மாபெரும் வரவேற்பைப் பெற்றது. தற்போது இதன் மலாய் ரீமேக் ‘BANDUAN’ என்ற பெயரில் தயாரிக்கப்பட்டுள்ளது. இப்படத்தில் ஆரோன் ஆசிஸ் நாயகனாக நடித்துள்ளார், Kroll Azry இயக்குனராக உள்ளார்.
திரைப்பட அறிமுக வீடியோ மலேசியாவில் வெளியிடப்பட்டு, படப்பிடிப்பு முடிந்த பின்னர் அக்டோபர் மாதத்தில் வெளியிட திட்டமிடப்பட்டுள்ளது. தற்போது இறுதிக்கட்ட பணிகள் மும்முரமாக நடைபெற்று வருகின்றன. படக்குழு விரைவில் இதர விவரங்களையும் வெளியிடும் என தெரிகிறது.
லோகேஷ் கனகராஜ் ‘கைதி’ கதையிலேயே LCU படங்களை தொடங்கி, பின்னர் ‘விக்ரம்’ மற்றும் ‘லியோ’ படங்களை உருவாக்கினார். இதனால் ‘கைதி’ படத்திற்கு தனித்துவமான ரசிகர்கள் கூட்டம் உள்ளது. குறிப்பாக, இரவு நேர காட்சிகள், சண்டைக் காட்சிகள் என அனைத்து விதத்திலும் பெரும் கொண்டாட்டம் பெற்றது.
