தென் ஆப்பிரிக்காவை வீழ்த்தி உலகக் கோப்பை கைப்பற்றிய இந்திய பெண்கள் அணி
நடப்பு மகளிர் உலகக் கோப்பை கிரிக்கெட் தொடரின் இறுதிப் போட்டியில் தென் ஆப்பிரிக்காவை 52 ரன்கள் வித்தியாசத்தில் வீழ்த்தி இந்திய பெண்கள் அணி சாம்பியன் பட்டத்தை வென்றது. இந்த வெற்றியில் 58 ரன்களும், 5 விக்கெட்டுகளும் எடுத்த தீப்தி சர்மா மிளிர்ந்தார்.
நவி மும்பையில் உள்ள டி. ஒய். பாடீல் மைதானத்தில் நடந்த இந்தப் போட்டியில் இந்திய அணி முதலில் பேட்டிங் செய்து 50 ஓவர்களில் 7 விக்கெட்டுக்கு 298 ரன்கள் எடுத்தது.
ஷபாலி வர்மா (87), ஸ்மிருதி மந்தனா (45), ஜெமிமா ரோட்ரிக்ஸ் (24), ஹர்மன்பிரீத் கவுர் (20) ஆகியோர் பயனுள்ள ரன்கள் சேர்த்தனர். இறுதியில் தீப்தி சர்மா (58) ரன்கள் சேர்த்து இந்திய ஓட்டத்தை உறுதி செய்தார். தென் ஆப்பிரிக்க பந்துவீச்சில் அயபோங்கா காக்கா 3 விக்கெட்டுகள் எடுத்தார்.
299 ரன்கள் என்ற இலக்கை எதிர்கொண்ட தென் ஆப்பிரிக்கா வலுவான தொடக்கத்தை கொடுத்தது. கேப்டன் லாரா வோல்வார்ட் 101 ரன்கள் அடித்து இந்திய அணிக்கு சவால் விட்டார். ஆனால் தொடர்ந்து விக்கெட்டுகள் விழுந்ததால் அணியின் ரன் வேகம் குறைந்தது. தீப்தி சர்மாவின் துல்லிய பந்துவீச்சும், ஷபாலியின் 2 விக்கெட்டும் இந்திய வெற்றிக்கு வழி செய்தது.
மொத்தம் 45.3 ஓவர்களில் 246 ரன்களுக்கு தென் ஆப்பிரிக்கா ஆட்டமிழந்தது. 5 விக்கெட்டுகள் எடுத்து ஆட்டத்தை கைப்பற்றிய தீப்தி சர்மா ‘மேன் ஆஃப் தி மாட்ச்’ விருதை பெற்றார்.
இந்த வெற்றி மூலம் இந்திய பெண்கள் அணி முதல் முறையாக உலகக் கோப்பையை வென்ற வரலாற்றை படைத்துள்ளது.
