தமிழக ராஜ்யசபா எம்பி சீட்டை காங்கிரசுக்கு ஒதுக்கியது தவெக: பிரவீன் சக்கரவர்த்திக்கு வாய்ப்பு!
சென்னை:
தமிழ்நாட்டில் தற்போது காலியாக உள்ள மாநிலங்களவை (ராஜ்யசபா) எம்பி பதவியிடத்தை, தங்களது கூட்டணியில் உள்ள காங்கிரஸ் கட்சிக்கு ஒதுக்கித் தமிழக வெற்றிக் கழக (தவெக) தலைமை அதிகாரப்பூர்வமாக அறிவித்துள்ளது. காங்கிரஸ் கட்சியின் அகில இந்திய மேலிடப் பொறுப்பாளர் கிரிஷ் சோடங்கர், சென்னை தலைமைச் செயலகத்தில் தமிழக முதலமைச்சரும் தவெக தலைவருமான ஜோசப் விஜய்யை நேரில் சந்தித்துப் பேசினார். அப்போது, நடைபெறவுள்ள மாநிலங்களவை இடைத்தேர்தலில் போட்டியிடும் வாய்ப்பைத் தங்களுக்கு வழங்குமாறு அவர் கோரிக்கை விடுத்தார்.
காங்கிரஸ் மேலிடத்தின் இந்தக் கோரிக்கையை ஏற்றுக்கொண்ட முதலமைச்சர் ஜோசப் விஜய், ராஜ்யசபா எம்பி சீட்டை காங்கிரசுக்கு வழங்குவதாக முறைப்படி அறிவித்துள்ளார். இந்தச் சூழலில், வரும் ஜூன் 18ஆம் தேதி நடைபெறவுள்ள மாநிலங்களவைத் தேர்தலில் காங்கிரஸ் கட்சியின் சார்பில் பிரவீன் சக்கரவர்த்தி போட்டியிட்டு ராஜ்யசபா எம்பியாகத் தேர்ந்தெடுக்கப்பட அதிக வாய்ப்புள்ளதாகத் தவெக மற்றும் காங்கிரஸ் வட்டாரங்களிலிருந்து நம்பத்தகுந்த தகவல்கள் வெளியாகியுள்ளன.
