சஸ்பென்ஸ் திரில்லர் படத்தில் கிஷோர் – இயக்கம்: சிவநேசன்
கிஷோர், சார்லி, சாருகேஷ், வினோத் கிஷன், ஷாலி நிவேகாஸ் ஆகியோர் முக்கிய கதாபாத்திரங்களில் நடிக்கும் புதிய படம் ஒன்றை அறிமுக இயக்குநர் சிவநேசன் இயக்குகிறார்.
‘காளிதாஸ்’ (2019) படத்தை தயாரித்த இன்கிரடிபிள் புரொடக்ஷன்ஸ் நிறுவனம் இந்த படத்தையும் தயாரிக்கிறது. இசை அமைப்பை விஷால் சந்திரசேகர் மேற்கொள்கிறார்; ஒளிப்பதிவை சுரேஷ் பாலா கவனிக்கிறார்.
படம் குறித்து இயக்குநர் சிவநேசன் கூறியதாவது:
“எதிர்பாராத திருப்பங்களுடன் கூடிய இந்த சஸ்பென்ஸ் திரில்லர், ஆரம்பம் முதல் முடிவு வரை பார்வையாளர்களை கவரும் வகையில் உருவாக்கப்படுகிறது. இதில் ‘திரைக்கதைதான் ஹீரோ’. ரசிகர்கள் கடைசி வரை சஸ்பென்ஸில் மூழ்கியிருப்பார்கள்,” என்றார்.
இந்த படத்தின் தொடக்க விழா சென்னையில் நடைபெற்றது.
