“தென்மாநிலங்களுக்கு அநீதி என்பது பொய்ப் பிரசாரம்” – மக்களவையில் பிரதமர் மோடி ஆவேச உரை!
நாடாளுமன்ற மக்களவையில் மகளிர் இடஒதுக்கீடு மற்றும் தொகுதி மறுவரையறை மசோதாக்கள் மீதான விவாதத்தில் பங்கேற்றுப் பேசிய பிரதமர் நரேந்திர மோடி, எதிர்க்கட்சிகளின் புகார்களுக்குத் திட்டவட்டமான விளக்கமளித்தார்.
பிரதமர் மோடியின் உரையில் இடம்பெற்ற முக்கிய அம்சங்கள்:
- தென்மாநிலங்கள் குறித்து விளக்கம்: தொகுதி மறுவரையறை செய்யப்படுவதால் தென்மாநிலங்களுக்கு அநீதி இழைக்கப்படும் என்று கூறப்படுவது, வெறும் அரசியல் லாபத்திற்காகச் செய்யப்படும் பொய்ப் பிரசாரம் என்று பிரதமர் சாடினார்.
- பிரதிநிதித்துவம் குறையாது: மகளிர் இடஒதுக்கீட்டு மசோதாவால் மாநிலங்களுக்கான தற்போதைய பிரதிநிதித்துவம் எந்த வகையிலும் குறையாது என்றும், தொகுதிகளின் சதவீதத்தில் எந்த மாற்றமும் இருக்காது என்றும் அவர் உறுதி அளித்தார்.
- தமிழ் வார்த்தையில் உறுதிமொழி: இந்த மசோதாவால் யாருக்கும் பாதகம் ஏற்படாது என்பதற்குத் தான் உறுதிமொழி வழங்கத் தயார் என்று கூறிய பிரதமர், இதற்குக் தமிழில் பொருத்தமான வார்த்தை இருந்தால் அதையே பயன்படுத்தத் தயார் என்றும் குறிப்பிட்டுத் தமிழகத்தின் மீதான தனது மதிப்பைப் வெளிப்படுத்தினார்.
- அரசியல் சாயம் வேண்டாம்: அனைவருக்கும் சமமான விகிதாச்சாரம் வழங்கப்படும் என்பதைத் தெளிவுபடுத்திய அவர், நாட்டின் முன்னேற்றத்திற்கான இந்த மசோதாவுக்கு அரசியல் சாயம் பூச வேண்டாம் என எதிர்க்கட்சிகளைக் கேட்டுக்கொண்டார்.
பெண்களுக்கான அதிகாரப் பகிர்வை உறுதி செய்யும் இந்த வரலாற்றுச் சிறப்புமிக்க முடிவிற்கு அனைவரும் ஒத்துழைக்க வேண்டும் எனப் பிரதமர் மோடி தனது உரையில் வலியுறுத்தினார்.
