“தமிழகத்தில் ஆட்சி மாற்றம் உறுதி”: மத்திய அமைச்சர் பியூஷ் கோயல் அதிரடிப் பேச்சு!
சென்னை:
தமிழக மக்கள் தற்போதைய நிலையில் ஒரு பெரிய ஆட்சி மாற்றத்தை விரும்புவதாக மத்திய அமைச்சர் பியூஷ் கோயல் தெரிவித்துள்ளார்.
சென்னை விமான நிலையத்தில் செய்தியாளர்களைச் சந்தித்த அவர், தமிழகத்தின் அனைத்துத் தரப்பு மக்களும் மாற்றத்தை எதிர்நோக்கிக் காத்திருப்பதாகக் குறிப்பிட்டார். வரும் சட்டமன்றத் தேர்தலில் தமிழகத்தில் தேசிய ஜனநாயகக் கூட்டணி (NDA) ஆட்சியைப் பிடிக்கும் என்றும், இது ஒரு வலிமையான வெற்றி கூட்டணி என்றும் அவர் நம்பிக்கை தெரிவித்தார்.
பாஜக வேட்பாளர் பட்டியல் குறித்துப் பேசிய அவர், இந்தத் தேர்தலில் போட்டியிட அனுபவம் வாய்ந்தவர்களுக்கு முன்னுரிமை அளிக்கப்பட்டு வாய்ப்பு வழங்கப்பட்டுள்ளதாகக் குறிப்பிட்டார். தமிழகத்தில் நிலவும் அரசியல் சூழல் தங்களுக்குச் சாதகமாக இருப்பதாகவும், மக்கள் பாஜக தலைமையிலான கூட்டணியை ஆதரிப்பார்கள் என்றும் அவர் தனது பேட்டியில் உறுதிபடக் கூறினார்.
