“திமுக அரசை வீழ்த்த ஹிந்துக்கள் ஒன்றிணைய வேண்டும்”: தவெக தலைவர் விஜய்யை விமர்சித்த காடேஸ்வரா சுப்பிரமணியம்!
திருப்பூர் மாவட்டம் அவிநாசியில் இந்து முன்னணி சார்பில் நடைபெற்ற “ஹிந்து ஓட்டு யாருக்கு?” என்ற ஆலோசனைக் கூட்டத்தில் பங்கேற்ற அக்கட்சியின் மாநிலத் தலைவர் காடேஸ்வரா சுப்பிரமணியம், தமிழகத்தின் சட்டம் ஒழுங்கு நிலை குறித்துக் கடும் அதிருப்தி வெளியிட்டார்.
RelatedPosts
செய்தியாளர்களிடம் பேசிய அவர், தற்போதைய திமுக அரசை வீட்டுக்கு அனுப்ப ஹிந்துக்கள் அனைவரும் ஒன்றிணைய வேண்டும் என அறைகூவல் விடுத்தார். மேலும், தமிழக வெற்றிக் கழகத் தலைவர் விஜய்க்கு ஆளும் திறமை இல்லை என்றும், அவர் நமது கலாசாரத்திற்கு உரிய மதிப்பு அளிப்பதில்லை என்றும் கடுமையாக விமர்சித்தார்.
தமிழக மக்கள் இன்னும் சினிமா மோகத்திலேயே இருப்பதாகச் சாடிய அவர், வரவிருக்கும் தேர்தலில் நூறு சதவீத வாக்குப்பதிவை வலியுறுத்தி அவிநாசி தொகுதியில் முக்கிய ஆலோசனைகளை வழங்கினார்.
