“அதிமுக 200 தொகுதிகளுக்கு மேல் வெற்றி பெற்று ஆட்சியமைக்கும்” – மதுரை வடக்கு வேட்பாளர் மருத்துவர் சரவணன் நம்பிக்கை!
மதுரை விமான நிலையத்தில் செய்தியாளர்களைச் சந்தித்த மதுரை வடக்கு தொகுதி அதிமுக வேட்பாளர் மருத்துவர் சரவணன், வரவிருக்கும் சட்டமன்றத் தேர்தலில் அதிமுக மிகப்பெரிய வெற்றியைப் பதிவு செய்யும் என்று உறுதிபடத் தெரிவித்தார். அதிமுக தலைமையிலான கூட்டணி 200-க்கும் மேற்பட்ட தொகுதிகளைக் கைப்பற்றி மீண்டும் ஆட்சியமைக்கும் என்று அவர் தனது பேட்டியில் குறிப்பிட்டார்.
RelatedPosts
கடந்த திமுக ஆட்சியின் செயல்பாடுகளைக் கடுமையாக விமர்சித்த அவர், திமுக தேர்தலின் போது கொடுத்த வாக்குறுதிகளில் பாதியைக் கூட நிறைவேற்றவில்லை என்று குற்றம் சாட்டினார். மேலும், திமுக ஆட்சியில் கட்டப்பட்ட நூலகக் கட்டடங்கள் ஆறு மாதங்கள் கூடத் தாக்குப்பிடிக்காத நிலையில் உள்ளதாக அதன் தரத்தைப் பற்றிச் சாடினார்.
இந்தத் தேர்தல் களம் அதிமுக மற்றும் திமுக ஆகிய இரு கட்சிகளுக்கும் இடையிலான நேரடிப் போட்டியாகவே இருக்கும் என்று குறிப்பிட்ட சரவணன், கடந்த கால அதிமுக ஆட்சியின் சாதனைகளை முன்வைத்து மக்கள் இந்த முறை அதிமுகவிற்கே வாய்ப்பளிப்பார்கள் என்றும், மக்கள் தங்கள் பக்கம் இருப்பதாகவும் நம்பிக்கையுடன் தெரிவித்தார்.
