அமமுக வேட்பாளர் பட்டியல் வெளியீடு: சைதாப்பேட்டையில் செந்தமிழன், திருச்சி மேற்கில் ராஜசேகரன் போட்டி!
சென்னை:
RelatedPosts
தமிழகச் சட்டமன்றத் தேர்தலை முன்னிட்டு, அம்மா மக்கள் முன்னேற்றக் கழகத்தின் (அமமுக) முதற்கட்ட வேட்பாளர் பட்டியலை அக்கட்சியின் பொதுச்செயலாளர் டிடிவி தினகரன் அதிகாரப்பூர்வமாக வெளியிட்டுள்ளார். இந்தப் பட்டியலில் முக்கியத் தொகுதிகளுக்கான வேட்பாளர்கள் அறிவிக்கப்பட்டுள்ளனர். அதன்படி, சென்னையின் முக்கியத் தொகுதியான சைதாப்பேட்டையில் செந்தமிழனும், திருச்சி மேற்கு தொகுதியில் தொட்டியம் ராஜசேகரனும் களம் காண்கின்றனர்.
மேலும், மடத்துக்குளம் தொகுதியில் சண்முகவேலு, காரைக்குடியில் தேர்போகிபாண்டி, திருப்பத்தூரில் ஞானசேகரன், நாங்குநேரியில் இசக்கிமுத்து, திருவையாறில் வேலு கார்த்திகேயன் மற்றும் மன்னார்குடி தொகுதியில் எஸ்.காமராஜ் ஆகியோர் போட்டியிடுகின்றனர். தனித் தொகுதிகளான பூந்தமல்லியில் ஏழுமலை, பெரியகுளத்தில் கதிர்காமு மற்றும் ஒட்டப்பிடாரத்தில் சுந்தர்ராஜன் ஆகியோர் வேட்பாளர்களாக நிறுத்தப்பட்டுள்ளனர். தேர்தல் களம் சூடுபிடித்துள்ள நிலையில், அமமுகவின் இந்த அறிவிப்பு அக்கட்சித் தொண்டர்களிடையே உற்சாகத்தை ஏற்படுத்தியுள்ளது.
