புதுச்சேரி தேர்தல்: அதிமுக, பாஜக வேட்பாளர்கள் அறிவிப்பு – களமிறங்கும் முக்கியப் புள்ளிகள்!
புதுச்சேரி யூனியன் பிரதேசத்தில் உள்ள 30 சட்டமன்றத் தொகுதிகளுக்கும் வரும் ஏப்ரல் 9, 2026 அன்று ஒரே கட்டமாகத் தேர்தல் நடைபெறவுள்ளது. இந்நிலையில், என்.ஆர். காங்கிரஸ் தலைமையிலான தேசிய ஜனநாயகக் கூட்டணியில் இடம்பெற்றுள்ள அதிமுக மற்றும் பாஜக தங்களது வேட்பாளர் பட்டியலை வெளியிட்டுள்ளன.
அதிமுக வேட்பாளர்கள் (2 தொகுதிகள்):
RelatedPosts
அதிமுக பொதுச்செயலாளர் எடப்பாடி பழனிசாமி வெளியிட்டுள்ள அறிவிப்பின்படி, அக்கட்சிக்குப் புதுச்சேரியில் ஒதுக்கப்பட்டுள்ள 2 தொகுதிகளுக்கான வேட்பாளர்கள்:
- உப்பளம்: முன்னாள் சட்டமன்ற உறுப்பினர் அ. அன்பழகன்
- உருளையன்பேட்டை: கட்சி நிர்வாகி ஏ. காந்தி
பாஜக வேட்பாளர்கள் (10 தொகுதிகள்):
பாஜக மொத்தம் 10 தொகுதிகளில் போட்டியிடுகிறது. ஏற்கனவே 9 வேட்பாளர்கள் அறிவிக்கப்பட்ட நிலையில், தற்போது காரைக்கால் தெற்கு தொகுதிக்கான வேட்பாளரையும் பாஜக தலைமை அறிவித்துள்ளது:
- காரைக்கால் தெற்கு: எம். அருள்முருகன்
இதர முக்கிய பாஜக வேட்பாளர்கள்:
- மண்ணாடிப்பட்டு: உள்துறை அமைச்சர் ஏ. நமச்சிவாயம்
- மணவெளி: சபாநாயகர் ஏம்பலம் ஆர். செல்வம்
- ராஜ் பவன்: பாஜக மாநிலத் தலைவர் வி.பி. ராமலிங்கம்
- முதலியார்பேட்டை: அமைச்சர் ஏ. ஜான்குமார்
- காலாப்பட்டு: பி.எம்.எல். கல்யாணசுந்தரம்
கூட்டணி நிலவரம்:
புதுச்சேரி என்.டி.ஏ கூட்டணியில் முதலமைச்சர் என். ரங்கசாமி தலைமையிலான என்.ஆர். காங்கிரஸ் 16 தொகுதிகளிலும், பாஜக 10 தொகுதிகளிலும், அதிமுக 2 தொகுதிகளிலும், லட்சிய ஜனநாயக் கட்சி (LJK) 2 தொகுதிகளிலும் போட்டியிடுகின்றன. வேட்புமனு தாக்கல் செய்ய மார்ச் 23 (இன்று) கடைசி நாள் என்பதால், அனைத்துக் கட்சிகளும் தங்களது வேட்பாளர்களை அறிவித்துத் தேர்தல் பணிகளை முடுக்கிவிட்டுள்ளன.
