பாஜக மூத்த தலைவர் எல்.கே. அத்வானியுடன் வெங்கையா நாயுடு சந்திப்பு: நெகிழ்ச்சியான தகவல்கள் பகிர்வு
டெல்லியில் உள்ள இல்லத்தில் பாரதிய ஜனதா கட்சியின் மூத்த தலைவர் எல்.கே. அத்வானியை, முன்னாள் குடியரசு துணைத் தலைவர் வெங்கையா நாயுடு நேரில் சந்தித்துப் பேசினார். இந்தச் சந்திப்பு குறித்து தனது ‘எக்ஸ்’ (X) சமூக வலைதளப் பக்கத்தில் பதிவிட்டுள்ள வெங்கையா நாயுடு, அத்வானியைத் தனது அரசியல் பயணத்தின் வழிகாட்டியாகவும், குருவாகவும் கருதுவதாகக் குறிப்பிட்டுள்ளார். மேலும், தேசப்பற்று மிக்க ஒரு ஜாம்பவானைச் சந்தித்தது தமக்கு ஒரு மனநிறைவான அனுபவமாக அமைந்ததாகவும், தனது வாழ்க்கைப் பாதையைச் செதுக்கியதில் அத்வானிக்கு மிகப்பெரிய பங்கு உண்டு என்றும் அவர் நெகிழ்ச்சியுடன் தெரிவித்துள்ளார்.
