லடாக்: பழங்குடியின மக்களுடன் இணைந்து ஹோலி கொண்டாடிய இந்தோ-திபெத்திய எல்லைப் பாதுகாப்புப் படையினர்!
லடாக்: நாடு முழுவதும் வசந்த கால விழாவான ஹோலி பண்டிகை உற்சாகமாகக் கொண்டாடப்பட்டு வரும் நிலையில், லடாக்கின் எல்லைப் பகுதிகளில் இந்தோ-திபெத்திய எல்லைப் பாதுகாப்புப் படை (ITBP) வீரர்கள் உள்ளூர் பழங்குடியின மக்களுடன் இணைந்து இந்தப் பண்டிகையைக் கோலாகலமாகக் கொண்டாடினர்.
பனி படர்ந்த மலைச்சிகரங்களுக்கு இடையே நடைபெற்ற இந்த விழாவில், பாதுகாப்புப் படை வீரர்கள் மற்றும் பழங்குடியின மக்கள் ஒருவருக்கொருவர் வண்ணப் பொடிகளைப் பூசியும், இனிப்புகளைப் பகிர்ந்து கொண்டும் தங்களது மகிழ்ச்சியை வெளிப்படுத்தினர். கடும் குளிரையும் பொருட்படுத்தாமல், எல்லைப் பாதுகாப்பில் ஈடுபட்டுள்ள வீரர்களுடன் இணைந்து மக்கள் கொண்டாடியது அங்கிருந்தவர்களிடையே நெகிழ்ச்சியை ஏற்படுத்தியது. தேசத்தைப் பாதுகாக்கும் வீரர்களுக்கும், உள்ளூர் மக்களுக்கும் இடையிலான நல்லுறவை மேம்படுத்தும் வகையில் அமைந்த இந்த ஹோலி கொண்டாட்டத்தின் போது, அனைவரும் ஒருவருக்கொருவர் வாழ்த்துகளைப் பரிமாறிக்கொண்டனர்.
