சாலை வசதி கோரி பலமுறை மனு: தேர்தலை புறக்கணிக்க கிராம மக்கள் எச்சரிக்கை
சேலம்: அடிப்படை வசதியாகிய சாலை அமைப்பில் தாமதம் ஏற்பட்டதாக குற்றம்சாட்டி, வரும் தேர்தலை புறக்கணிக்கப் போவதாக கிராம மக்கள் அறிவித்த சம்பவம் பரபரப்பை ஏற்படுத்தியுள்ளது.
மாநிலத்தின் மாவட்டம், வாழப்பாடி அருகேயுள்ள விளாம்பட்டி கிராமத்தின் காட்டுவளவு பகுதியில் 60-க்கும் மேற்பட்ட மலைவாழ் குடும்பங்கள் வசித்து வருகின்றனர். இப்பகுதிக்கு சாலை வசதி ஏற்படுத்தித் தர வேண்டும் என அவர்கள் பல ஆண்டுகளாக அதிகாரிகளிடம் மனுக்கள் அளித்து வந்ததாக கூறப்படுகிறது.
இந்நிலையில் கோரிக்கைக்கு தீர்வு கிடைக்காததால், வரவிருக்கும் பேரவைத் தேர்தலை புறக்கணிக்க உள்ளதாக அறிவித்து கிராம மக்கள் பேனர் ஒன்றை வைத்தனர். தகவலறிந்து வந்த வருவாய்த்துறை அதிகாரிகள், பொதுமக்களுடன் பேச்சுவார்த்தை நடத்தி பேனரை அகற்றினர்.
இதுகுறித்து விளக்கம் அளித்த வட்டாட்சியர் ஜெயந்தி, சம்பந்தப்பட்ட நிலம் தனியாருக்கு சொந்தமானது என்பதால் அங்கு சாலை அமைப்பதில் நடைமுறை சிக்கல்கள் உள்ளதாக தெரிவித்தார். பிரச்சினைக்கு விரைவில் தீர்வு காண நடவடிக்கை எடுக்கப்படும் என்றும் அதிகாரிகள் தெரிவித்துள்ளனர்.
