அணு ஆயுத வரம்பை உயர்த்தும் ரஷ்யா கோரிக்கைக்கு டிரம்ப் மறுப்பு
அணு ஆயுதங்களை வைத்திருக்கும் எண்ணிக்கையை அதிகரிக்க வேண்டும் என்ற ரஷ்யாவின் கோரிக்கையை அமெரிக்க அதிபர் டொனால்ட் டிரம்ப் நிராகரித்துள்ளார்.
2010ஆம் ஆண்டு, அமெரிக்கா மற்றும் ரஷ்யா இடையே “நியூ ஸ்டார்ட்” என்ற பெயரில் அணு ஆயுதக் கட்டுப்பாட்டு ஒப்பந்தம் கையெழுத்தானது. இந்த ஒப்பந்தத்தின் படி, இரு நாடுகளும் தலா அதிகபட்சமாக 1,550 அணு ஆயுதங்களை மட்டுமே வைத்திருக்க அனுமதி அளிக்கப்பட்டிருந்தது.
இந்த ஒப்பந்தம் வியாழக்கிழமை காலாவதியானதைத் தொடர்ந்து, அணு ஆயுதங்களுக்கான வரம்பை உயர்த்தி, அதனை மீண்டும் தொடர வேண்டும் என ரஷ்யா கோரிக்கை வைத்தது.
ஆனால் இதற்கு ஒப்புதல் அளிக்க மறுத்த டிரம்ப், பழைய நியூ ஸ்டார்ட் ஒப்பந்தத்தை நீட்டிப்பதைவிட, புதிய தொழில்நுட்பங்களை கருத்தில் கொண்டு நவீனமயமாக்கப்பட்ட ஒரு புதிய ஒப்பந்தத்தை உருவாக்குவது அவசியம் என தெரிவித்துள்ளார்.
அதற்காக அனுபவம் மிக்க அணுசக்தி நிபுணர்களுடன் இணைந்து அமெரிக்கா பணியாற்ற வேண்டும் என்றும் அவர் வலியுறுத்தியுள்ளார்.
