2026 ஆம் ஆண்டுக்கான பத்மஸ்ரீ விருது பெற்றவர்களுக்கு மனமார்ந்த வாழ்த்துகள்
2026 ஆம் ஆண்டிற்கான பத்மஸ்ரீ விருதுகளை பெறுபவர்களின் பட்டியலை மத்திய அரசு அறிவித்துள்ளது.
கலை, கல்வி, இலக்கியம், அறிவியல், மருத்துவம், சமூக சேவை உள்ளிட்ட பல்வேறு துறைகளில் சிறந்த சேவை புரிந்தவர்களுக்கு இந்திய அரசின் உயரிய விருதான பத்ம விருதுகள் வழங்கப்படுவது பெருமைக்குரிய ஒன்று.
இந்த ஆண்டிற்கான பத்மஸ்ரீ விருதுகள் அறிவிப்பில், 45 பேர் கொண்ட பட்டியலில் தமிழகம் மற்றும் புதுச்சேரியை சேர்ந்த ஆறு பேர் இடம்பிடித்திருப்பது தமிழ்ச் சமூகத்திற்கு மிகுந்த மகிழ்ச்சியையும் பெருமையையும் அளிக்கிறது.
தமிழகத்தை சேர்ந்த
- கால்நடை அறிவியலாளர் மருத்துவர் புண்ணியமூர்த்தி,
- தஞ்சையை சேர்ந்த ஓதுவார் திருத்தணி சுவாமிநாதன்,
- நீலகிரியை சேர்ந்த ஓவியர் ஆர். கிருஷ்ணன்,
- சேலத்தை சேர்ந்த ராஜஸ்தபதி கலியப்ப கவுண்டர்,
- திருவாரூரை சேர்ந்த மிருதங்க கலைஞர் பக்தவச்சலம்,
மேலும் புதுச்சேரியை சேர்ந்த
- சிலம்பக் கலைஞர் பழனிவேல்
ஆகியோர் பத்மஸ்ரீ விருதுக்கு தேர்ந்தெடுக்கப்பட்டுள்ளனர்.
குடியரசுத் தலைவரின் கரங்களால் வழங்கப்பட உள்ள இந்த உயரிய விருது, இவர்களின் துறைத்தொடர்ந்த அர்ப்பணிப்பு மற்றும் சமூக சேவைக்கு கிடைத்த அங்கீகாரமாகும்.
பத்மஸ்ரீ விருது பெறும் அனைவருக்கும் எங்கள் மனமார்ந்த வாழ்த்துகளும், பாராட்டுகளும்!
இவர்களின் சேவை எதிர்கால தலைமுறைகளுக்கு வழிகாட்டியாக அமையட்டும்.
