டேபிள் டென்னிஸ் தரவரிசை: சிண்ட்ரெலா – திவ்யான்ஷி ஜோடி முதலிடம் கைப்பற்றி சாதனை
சர்வதேச டேபிள் டென்னிஸ் கூட்டமைப்பு (ITTF) சமீபத்திய உலக தரவரிசை பட்டியலை வெளியிட்டுள்ளது.
இதில், யு-19 மகளிர் இரட்டையர் பிரிவில் இந்தியாவின் சிண்ட்ரெலா தாஸ் – திவ்யான்ஷி பவுமிக் ஜோடி சிறப்பாக விளையாடி முதலிடத்தை பிடித்து பெரும் சாதனை புரிந்துள்ளது.
இந்த இந்திய ஜோடி 3,910 புள்ளிகளுடன் உலக தரவரிசையில் முதலிடத்தை தக்கவைத்துள்ளது.
அடுத்து, சீன தைபேவின் வூ ஜியா – வூ யிங் சுயான் ஜோடி 3,195 புள்ளிகளுடன் இரண்டாவது இடத்தைப் பிடித்துள்ளது.
பிரான்ஸின் லியானா ஹோசாட் – நினா குவோ ஹெங் ஜோடி 3,170 புள்ளிகளுடன் மூன்றாவது இடத்தில் உள்ளது.
இந்த சாதனையால் இந்திய டேபிள் டென்னிஸ் உலக அரங்கில் புதிய உயரத்தை எட்டியுள்ளது.
