சென்னையில் 7வது நாளாக நடைபெற்ற போராட்டம் – இடைநிலை ஆசிரியர்கள் கைது
சம பணிக்கு சம ஊதியம் வழங்க வேண்டும் என்ற கோரிக்கையை வலியுறுத்தி, ஏழாவது நாளாக போராட்டத்தில் ஈடுபட்ட இடைநிலை ஆசிரியர்களை காவல்துறையினர் கைது செய்தனர்.
சம வேலைக்கு ஒரே அளவிலான ஊதியம் வழங்க வேண்டும் என்ற நீண்டநாள் கோரிக்கையை முன்வைத்து, இடைநிலை ஆசிரியர்கள் தொடர்ந்து போராட்டங்களை நடத்தி வருகின்றனர். அதன் ஒரு பகுதியாக, சென்னை எழும்பூரில் அமைந்துள்ள வட்டாரக் கல்வி அலுவலகம் முன்பாக, அவர்கள் ஏழாவது நாளாக அமைதிப் போராட்டத்தில் ஈடுபட்டனர்.
போராட்டத்தின் போது, ஆசிரியர்கள் தங்களது கோரிக்கைகளை வலியுறுத்தி முழக்கங்களை எழுப்பினர். இந்நிலையில், பாதுகாப்பு பணியில் இருந்த போலீசார், போராட்டத்தில் ஈடுபட்ட ஆசிரியர்களை வலுக்கட்டாயமாக கைது செய்து அங்கிருந்து அப்புறப்படுத்தினர்.
