பதவிக்காகப் புகழ்ச்சி செய்ய வேண்டுமெனில் அவை வேண்டாம் – அண்ணாமலை ஆவேச பதில்
புகழ்ச்சி செய்து கொண்டே பதவியில் தொடர வேண்டிய நிலை இருந்தால், அத்தகைய பதவியே தேவையில்லை என தவெக நிர்வாகி அருண்ராஜ் எழுப்பிய கேள்விக்கு பாஜக தலைவர் அண்ணாமலை கடும் தொனியில் பதிலளித்துள்ளார்.
சென்னையில் செய்தியாளர்களை சந்தித்த அவர், கட்சியில் இணைந்ததற்காக நடிகர்களைச் சுற்றி புகழ்ந்து பேசுபவன் நான் அல்ல எனத் தெளிவுபடுத்தினார்.
சினிமா நட்சத்திரங்களுக்கு புகழாரம் சூட்டுவதற்காக அரசு பதவியைத் துறந்து அரசியலுக்கு வரவில்லை என்றும் அண்ணாமலை கூறினார்.
மேலும், உயர்ந்த கொள்கைகளின் அடிப்படையிலேயே தான் அரசியல் பாதையைத் தேர்ந்தெடுத்ததாகவும், எதிர்காலத்தில் மக்களின் நலனுக்காக பல சவால்களை எதிர்கொள்ள நேரிடும் என்றும் தெரிவித்தார். அந்தச் சவால்களை மக்களுக்காக சந்திப்பதை பெருமையாகக் கருதுவதாகவும் அவர் கூறினார்.
