செந்தில்பாலாஜி மீது அமலாக்கத் துறையின் வழக்கை ஒத்திவைக்க உயர்நீதிமன்றம் மறுப்பு
முன்னாள் அமைச்சர் செந்தில்பாலாஜி மீது அமலாக்கத் துறை தொடர்ந்த வழக்கின் விசாரணையை ஒத்திவைக்க வேண்டிய மனுவை சென்னை உயர்நீதிமன்றம் தள்ளுபடி செய்துள்ளது.
போக்குவரத்து துறையில் வேலை வாங்கித் தருவதாகக் கூறி மோசடி செய்ததாக செந்தில்பாலாஜி மற்றும் பிறருக்கு எதிராக முன்பு வழக்கு பதிவு செய்யப்பட்டது. இதனைத் தொடர்ந்து, சட்ட விரோத பணப் பரிமாற்ற தடைச் சட்டத்தின் கீழ் (PMLA) அமலாக்கத் துறையும் தனி வழக்கை தொடங்கி, அது சென்னை முதன்மை அமர்வு நீதிமன்றத்தில் நடைபெற்று வருகிறது.
சிறப்பு நீதிமன்றத்தில் நிலுவையில் உள்ள வழக்கின் தீர்ப்பு வரும் வரை அமலாக்கத் துறை வழக்கை ஒத்திவைக்க கோரிய மனு உயர்நீதிமன்றத்தில் தாக்கல் செய்யப்பட்டது.
இந்த மனுவை விசாரித்த நீதிபதிகள், வழக்கை தாமதப்படுத்த தேவையில்லை என்று முடிவு செய்து, விசாரணையை ஒத்திவைக்க மறுத்து மனுவைத் தள்ளுபடி செய்தனர்.
