“அப்பா” ஆட்சியில் அப்பாவி குழந்தைகள் காணாமல் போகிறார்கள் – நயினார் நாகேந்திரன்
தமிழ்நாடு பாஜக மாநிலத் தலைவர் நயினார் நாகேந்திரன், “அப்பா” ஆட்சியில் அப்பாவி குழந்தைகள் தொடர்ந்து காணாமல் போகிறார்கள் என்று கூறியுள்ளார்.
இது குறித்த தனது X பதிவில்,
கன்னியாகுமரி, நாகப்பட்டினம், சிவகங்கை உள்ளிட்ட மாவட்டங்களில் உள்ள அரசு காப்பகங்களில் இருந்து பெண்கள் தொடர்ந்து காணாமல் போய் ஓடி வருகிறார்கள் என்ற செய்தி மிகவும் அதிர்ச்சியளிப்பதாகவும், எங்களுக்குள் பெரும் அச்சத்தை ஏற்படுத்துவதாகவும் அவர் கூறினார்.
திமுக ஆட்சியில் ஒவ்வொரு ஆண்டும் போக்சோ வழக்குகளின் எண்ணிக்கை அதிகரித்து வரும் நிலையில், அரசு காப்பகங்களில் இருந்து காணாமல் போன குழந்தைகள் பாலியல் தொழிலுக்காக கடத்தப்பட்டார்களா? அரசு அதிகாரிகளுக்கும், காப்பக கண்காணிப்பாளர் உட்பட அரசியல்வாதிகளுக்கும் இடையே ஏதேனும் தொடர்பு உள்ளதா? அல்லது காப்பகத்தின் கொடுமையைத் தாங்க முடியாமல் குழந்தைகள் ஓடிவிட்டார்களா? பல கேள்விகள் நம் மனதில் எழுகின்றன.
காரணம், ஒடுக்கப்பட்ட மற்றும் ஆதரவற்ற குழந்தைகளைப் பாதுகாத்து வளர்க்க வேண்டிய அரசு காப்பகங்கள், திமுக ஆட்சியில் அடிப்படை வசதிகள் இல்லாதது, தரமான உணவு இல்லாதது, சாதி அடிப்படையிலான தாக்குதல்கள் மற்றும் பாலியல் துன்புறுத்தல்கள் அதிகரிப்பது போன்ற காரணங்களால் அச்சுறுத்தலாக மாறியுள்ளன.
நமது பெண் குழந்தைகளின் பாதுகாப்பு குறித்து அரசியல் வேறுபாடுகளுக்கு அப்பால் நாம் சிந்திக்க வேண்டியது அவசியம்.
எனவே, தமிழ்நாட்டின் அனைத்து குழந்தைகளும் தன்னை “அப்பா” என்று அழைக்க வேண்டும் என்று விரும்பும் முதலமைச்சர் ஸ்டாலின், தமிழக பாஜக சார்பாக அரசாங்கத்தின் கட்டுப்பாட்டில் உள்ள அனாதை இல்லங்களுக்கு நேரடியாகச் சென்று ஆய்வு செய்து பெண் குழந்தைகளின் பாதுகாப்பை உறுதி செய்யுமாறு கேட்டுக்கொள்கிறேன் என்று நயினார் நாகேந்திரன் கூறியுள்ளார்.
