காரைக்குடி : வீடுகளை முற்றுகையிடும் மழைநீர்!
சிவகங்கை மாவட்டம் காரைக்குடி வைரவபுரம் பகுதியில், கடந்த 15 ஆண்டுகளாக மழை வந்தாலே வீடுகளைச் சுற்றி தண்ணீர் தேங்கி வருவதாகவும், அடிப்படை வசதிகளில் அரசு எந்த முன்னேற்றமும் செய்யாததால் வரும் தேர்தலை புறக்கணிக்க தீர்மானித்துள்ளதாகவும் அங்குள்ள மக்கள் தெரிவித்துள்ளனர்.
வைரவபுரம் 4 மற்றும் 5 ஆம் தெருக்களில் 50-க்கும் மேற்பட்ட குடும்பங்கள் தங்கியுள்ள நிலையில், இப்பகுதி காரைக்குடி மாநகராட்சியுடன் இணைந்தது ஓராண்டு ஆகிறது. அனைத்து வரிகளையும் நியமப்படி செலுத்தியும், தங்களுக்கு எந்தவித சேவையும் கிடைக்கவில்லை என்று மக்கள் கூறுகின்றனர்.
ஒரு தசாப்தத்திற்கும் மேலாக, தெருக்கள் ஆழ்ந்த குழிகளுடன் மிக மோசமான நிலையில் உள்ளதாகவும், சரியான வடிகால் வசதி இல்லாததால் மழைக்காலங்களில் வீடுகளை முற்றிலும் சூழ்ந்து தண்ணீர் நிற்கிறது என்றும் அவர்கள் வலியுறுத்தினர்.
பலமுறை மனுக்கள் அளித்தும், அதிகாரிகள் எந்த நடவடிக்கையும் எடுக்காததை மக்கள் கடும் அதிருப்தியுடன் சுட்டிக்காட்டினர்.
இந்த நிலை தொடர்ந்தால், எதிர்வரும் சட்டமன்றத் தேர்தலில் வாக்குப் பதிவு செய்யாமல் இருக்கப் போவதாகவும் அவர்கள் எச்சரிக்கை விடுத்துள்ளனர்.
