சென்னையில் இடையறாது பெய்து வரும் கனமழை – பயணிக்கும் மக்களுக்கு கடும் சிரமம்!
சென்னையின் பல்வேறு பகுதிகளில் தொடர்ந்து பெய்யும் கனமழை காரணமாக பொதுமக்கள் மட்டுமின்றி வாகனம் ஓட்டுவோரும் பெரும் சிரமங்களை எதிர்கொண்டுள்ளனர். கோடம்பாக்கம் மேம்பாலப் பகுதியில் சாலை பள்ளம் மற்றும் குழிவாய்ப்புகளால் சேதமடைந்ததைத் தொடர்ந்து பழுதுபார்க்கும் பணிகள் மேற்கொள்ளப்பட்டன.
மழைக்காலத்தில் சாலை பணிகளைச் செய்யக் கூடாது என்ற மாநகராட்சியின் அறிவிப்பை புறக்கணித்து செய்யப்பட்ட சீரமைப்பு வேலைகள் பயனளிக்காத நிலையில், அந்தச் சாலை மீண்டும் முன்பதுபோல சேதமடைந்து குண்டும் குழியுமாக மாறியுள்ளது.
மேலும், மேம்பாலத்தின் நடுப்பிரிவு (சென்டர் மீடியன்) உடைந்ததால், அவ்வழியாக செல்லும் வாகன ஓட்டிகள் ஆபத்தான சூழ்நிலையில் பயணம் செய்ய வேண்டிய கட்டாயத்தில் உள்ளனர்.
வங்கக்கடலில் உருவான டிட்வா புயல் பலவீனமானாலும், சென்னையில் பல இடங்களில் தொடர்ந்து கனமழை நீடித்து வருகிறது.
நுங்கம்பாக்கம், வடபழனி, எழும்பூர் போன்ற பகுதிகளில் தொடர்ச்சியான மழை பெய்ததால் மக்களின் தினசரி செயல்பாடுகள் தடுமாறியுள்ளன. மேலும், சாலைகளில் தேங்கிக்கிடக்கும் மழைநீர் காரணமாக வாகன ஓட்டிகள் மிகுந்த சிரமத்தையும் அவதியையும் சந்தித்துள்ளனர்.
