தங்கம் விலை நிர்ணயிக்கும் முன்னணி நாடாக இந்தியா உருவாக வேண்டும் – சேம்பர் ஆப் காமர்ஸ் கருத்து
தங்கத்தின் விலையை நிர்ணயிக்கும் அதிகாரம் கொண்ட நாடாக இந்தியா மாற வேண்டும் என்று சேம்பர் ஆப் காமர்ஸ் தெரிவித்துள்ளது.
டெல்லியில் இந்திய சேம்பர் ஆப் காமர்ஸ் ஏற்பாடு செய்த தங்கம் மற்றும் ரத்தினக் கற்கள் குறித்த மாநாடு நடைபெற்றது. தற்போது உலக சந்தையில் நிர்ணயிக்கப்படும் தங்க விலையை ஏற்றுக்கொள்வதே இந்தியாவின் நிலை எனவும், இதை மாற்றி தங்க விலையை நிர்ணயிக்கும் முக்கிய சக்தியாக இந்தியா உருவாக வேண்டும் என்றும் மாநாட்டில் வலியுறுத்தப்பட்டது.
அடுத்த 10 ஆண்டுகளில், நாட்டின் தங்கத் தேவையின் 20% உள்நாட்டிலேயே தயாரிக்கப்படும் நிலை ஏற்படும் என்றும், வருவிருக்கும் 2 முதல் 3 ஆண்டுகளில் இந்தியா உலக நகைத் துறையின் மையமாக மாறும் என்பதும் கூறப்பட்டது.
மேலும், தங்கத்தின் தர நிர்ணயத்தில் இந்தியா ஏற்கெனவே முக்கிய பங்காற்றி வருகிறது என்றும், 24 காரட் தங்க ஏற்றுமதிக்கு விதிக்கப்பட்டுள்ள தடைகளை நீக்க வேண்டும் என்றும் மாநாட்டு பிரதிநிதிகள் தெரிவித்தனர்.
