முதல்வர் ஸ்டாலினுக்கு அண்ணாமலை 6 கேள்விகள் – நிதியமைச்சர் தங்கம் தென்னரசு கேட்ட 10 வினாக்களுக்கு பதில்
மத்திய அரசுக்கு தமிழக நிதியமைச்சர் தங்கம் தென்னரசு எழுப்பிய 10 கேள்விகளுக்கும் பதிலளித்த பாஜக மாநிலத் தலைவர் அண்ணாமலை, அதே நேரத்தில் முதல்வர் மு.க. ஸ்டாலினுக்கு 6 புதிய கேள்விகளை எழுப்பியுள்ளார்.
இதுகுறித்து அவர் வெளியிட்ட அறிக்கையில் கூறியிருப்பதாவது:
“2023–24ஆம் ஆண்டுக்கான சிஏஜி அறிக்கையின்படி, 1,540 திட்டங்களுக்கு ஒதுக்கப்பட்ட ரூ.14,808 கோடி நிதி பயன்படுத்தப்படாமல் வீணாக்கப்பட்டுள்ளது. இதற்குக் காரணம் என்ன?
அதே ஆண்டு மக்களிடம் வசூலிக்கப்பட்ட மின்சார வரி ரூ.1,985 கோடி. இதில் ரூ.507 கோடி, தமிழ்நாடு மின் உற்பத்தி மற்றும் பகிர்மானக் கழகத்தின் ஒருங்கிணைந்த நிதிக்கு செலுத்தப்படவில்லை. இதற்கான விளக்கம் என்ன?
மேலும், 2021–22 முதல் 2023–24 வரை மத்திய அரசிடமிருந்து கிடைத்த ஜிஎஸ்டி இழப்பீடு ரூ.28,024 கோடியில் 10% தொகையை உள்ளாட்சி அமைப்புகளுக்கு வழங்க வேண்டும் என்பது மாநிலத் திட்டக்குழுவின் பரிந்துரை. ஆனால் இதுவரை வழங்கப்படவில்லை. ஏன்?
திமுக ஆட்சிக்கு முன்பு மாநிலத்தின் கடன் சுமையை குறைப்போம் என கூறி, கடந்த 4 ஆண்டுகளில் ரூ.5 லட்சம் கோடி புதிய கடன் எடுக்கப்பட்டது. இதற்கான காரணம் என்ன?
தேர்தலின்போது திமுக 511 வாக்குறுதிகள் வழங்கியிருந்தது. இவற்றில் 10% கூட நிறைவேற்றப்படாத நிலையில், 2026 சட்டப்பேரவைத் தேர்தலை எப்படி சந்திக்கப் போகிறீர்கள்?”
அவ்வாறு அவர் குறிப்பிட்டுள்ளார்.
மேலும் ஜிஎஸ்டி சீர்திருத்தம், சாலை மற்றும் ரயில் திட்டங்கள், 100 நாள் வேலைவாய்ப்பு திட்டம், ஓய்வூதியம், ஜல் ஜீவன் திட்டம், நிதி பகிர்வு உள்ளிட்ட துறைகள் தொடர்பாக, நிதியமைச்சர் தங்கம் தென்னரசு மத்திய அரசுக்கு எழுப்பிய 10 கேள்விகளுக்கும் விரிவான பதில்களை அண்ணாமலை சமூக வலைதளங்களில் வெளியிட்டுள்ளார்.
