சபரிமலை ஐயப்பன் கோயிலில் பக்தர்களின் உயிரிழப்புகள் தொடர்ந்த அதிர்ச்சி!
மண்டலமும் மகர விளக்குத் திருவிழாவையும் முன்னிட்டு திறக்கப்பட்ட சபரிமலை ஐயப்பன் கோயிலில், கடந்த 9 நாட்களில் 9 பக்தர்கள் மாரடைப்பால் உயிரிழந்துள்ள சம்பவம் பெரும் அதிர்ச்சியை ஏற்படுத்தியுள்ளது.
கடந்த 16ஆம் தேதி நடை திறந்ததிலிருந்து, தினமும் ஆயிரக்கணக்கானோர் சுவாமி தரிசனத்திற்காக மலையை ஏறிச் சென்று வருகின்றனர். இந்த சூழலில், யாத்திரைக்கு சென்ற கோவை மாவட்டத்தைச் சேர்ந்த முரளி என்ற பக்தர் திடீரென மயங்கி விழுந்து உயிரிழந்தார்.
இதற்கு முன்பே 8 யாத்திரிகர்கள் இதயக் கோளாறால் உயிரிழந்திருந்த நிலையில், மேலும் ஒருவரின் மரணம் பதிவு செய்யப்பட்டிருப்பது சோகத்தையும் கவலையையும் ஏற்படுத்தியுள்ளது.
