வாழப்பாடி அருகே திமுக கிளைச் செயலாளர் கொலை – நான்கு பேர் கைது
சேலம் மாவட்டம் வாழப்பாடி பகுதியில் திமுக கிளைச் செயலாளர் ஒருவர் துப்பாக்கிச்சூட்டில் உயிரிழந்த சம்பவத்தில், சம்பந்தப்பட்ட நால்வரை போலீசார் கைது செய்துள்ளனர்.
கருமந்துறை அருகே கிராங்காடு மலைப்பகுதியைச் சேர்ந்த திமுக கிளைச் செயலாளர் ராஜேந்திரன், 21ஆம் தேதி நாட்டுத் துப்பாக்கி பயன்படுத்தி சுட்டுக் கொல்லப்பட்டார்.
இதைத் தொடர்ந்து, அவரது மனைவி சரிதா அளித்த புகாரின் அடிப்படையில் கருமந்துறை போலீசார் விசாரணை மேற்கொண்டனர். சந்தேகத்தின் பேரில் ராஜமாணிக்கம் மற்றும் அவரது அண்ணன் பழனிசாமி ஆகியோர் விசாரணைக்காக அழைக்கப்பட்டனர்.
விசாரணையில், ராஜேந்திரனுக்கும் ராஜமாணிக்கத்திற்கும் இடையே சுமார் 10 ஆண்டுகளாக நிலம் தொடர்பான தகராறு இருந்து வந்தது தெரியவந்தது. சமீபத்தில் அந்த வழக்கில் ராஜேந்திரன் ஆதரவாக நீதிமன்றம் தீர்ப்பு வழங்கியதும், ராஜமாணிக்கத்தில் அதிருப்தியை ஏற்படுத்தியிருந்தது.
மேலும், தன் தோட்டத்திற்கு செல்ல வேண்டிய பாதையை ராஜேந்திரன் மறித்ததால், ராஜமாணிக்கம் தினமும் ஒரு கிலோமீட்டர் சுற்றி செல்வதற்கு கட்டாயப்பட்டதாகவும், இதனால் ஏற்பட்ட கோபமே கொலைக்கு காரணமாக இருந்ததாகவும் போலீசார் தெரிவித்தனர்.
கொலைச் சம்பவத்தில் ராஜமாணிக்கம், அவரது மனைவி ஜெயக்கொடி, அண்ணன் பழனிசாமி, மருமகன் குழந்தைவேலு ஆகியோர் தொடர்புடையவர்கள் என கண்டறிந்து அனைவரையும் கைது செய்துள்ளனர்.
இந்த சம்பவம், நில தொடர்பான வழக்கு காரணமாக ஒரே குடும்பம் ஒருவரை சேர்ந்து கொலை செய்துள்ளது காரணமாக, கருமந்துறை மற்றும் சுற்றுப்புறங்களில் பரபரப்பை ஏற்படுத்தியுள்ளது.
