கரூர் சிபிஐ அலுவலகத்தில், தவெக அமைப்பின் முக்கிய நிர்வாகிகள் மீது அதிகாரிகள் 10 மணி நேரத்திற்கும் அதிகமாக விசாரணை நடத்தியுள்ளனர்.
கரூர் கூட்ட நெரிசல் துயரச் சம்பவம் தொடர்பாக சிபிஐ குழு தொடர்ந்து விசாரணை மேற்கொண்டு வருகிறது. இதன் பகுதியாக, சம்பவம் நடந்த வேலுச்சாமிபுரம் பகுதியைச் சேர்ந்த பொதுமக்கள், அங்குள்ள கடைக்காரர்கள், ஆம்புலன்ஸ் ஓட்டுநர்கள் உள்ளிட்ட பலரிடம் விசாரணை நடந்தது.
மேலும், அந்த நெரிசலில் உயிரிழந்தவர்களின் குடும்பத்தினரிடமும், காயமடைந்தவர்களிடமும் விரிவான கேள்விகளைக் கேட்டுள்ளதாகவும் கூறப்படுகிறது.
இத்தொடரில், கரூர் சிபிஐ அலுவலகத்திற்கு தவெக பொதுச் செயலாளர் ஆனந்த், இணை பொதுச் செயலாளர் நிர்மல் குமார், தேர்தல் பொறுப்பு பொதுச் செயலாளர் ஆதவ் அர்ஜுனா, மாவட்ட செயலாளர் மதியழகன், நிர்வாகி பவுன்ராஜ் ஆகியோர் ஆஜராகினர். இவர்களிடமிருந்து அதிகாரிகள் 10 மணி நேரத்தைத் தாண்டி விசாரணை மேற்கொண்டனர்.
மேலும், இந்த விசாரணை இன்றும் தொடர வாய்ப்பு உள்ளதாக தகவல்கள் வெளியாகியுள்ளன.
