பிபா தரவரிசையில் இந்திய கால்பந்து அணிக்கு பின்னடைவு
பிபா வெளியிட்டுள்ள புதிய உலக கால்பந்து தரவரிசை பட்டியலில், இந்திய ஆடவர் அணி இரண்டு இடங்கள் சரிந்து 136-வது இடத்துக்கு தள்ளப்பட்டுள்ளது.
கடந்த ஒன்பது ஆண்டுகளில் இது இந்திய அணிக்கான மிகப் பெரிய சரிவாகக் குறிப்பிடப்படுகிறது. 2027ஆம் ஆண்டு நடைபெறவுள்ள ஆசிய கோப்பை கால்பந்து போட்டி தகுதி சுற்றில், சிங்கப்பூருக்கு எதிராக இந்திய அணி ஒரு டிரா மற்றும் ஒரு தோல்வி எனக் குறைந்த சாதனையைப் பதிவு செய்தது. இதுவே தரவரிசையில் வீழ்ச்சிக்கு முக்கிய காரணமாகியுள்ளது.
கடைசியாக, 2016ஆம் ஆண்டில் இந்திய அணி 137-வது இடம் பிடித்திருந்தது. அதன்பின் ஏற்பட்ட முன்னேற்றம் இப்போது மீண்டும் சரிவடைந்துள்ளதால், இது இந்திய கால்பந்துக்கு கவலைக்குரிய நிலையாக மதிப்பிடப்படுகிறது.
