விஜய்யின் ‘ஜனநாயகன்’ புதிய போஸ்டர் வைரல் – முதல் பாடல் சனிக்கிழமை ரிலீஸ்
விஜய் நடிப்பில் உருவாகி வரும் புதிய படம் ‘ஜனநாயகன்’ பற்றிய புதிய போஸ்டர் தற்போது சமூக வலைதளங்களில் பரவலாக பகிரப்படுகின்றது.
கே.வி.என் நிறுவனம் தயாரித்த இப்படத்தை ஹெச். வினோத் இயக்கியுள்ளார். விஜய், பூஜா ஹெக்டே, பாபி தியோல், கெளதம் மேனன், ப்ரியாமணி, நரேன், மமிதா பைஜு ஆகியோர் முக்கிய கதாபாத்திரங்களில் நடித்துள்ளனர். இசையை அனிருத் உருவாக்கியுள்ளார்.
பொங்கல் 2025 முன்னிட்டு ஜனவரி 9 அன்று படம் வெளியாகும் என்று அறிவிக்கப்பட்டுள்ளது. முன்பே கரூர் நெரிசல் சம்பவம் காரணமாக படக்குழு எந்தவித அறிவிப்பும் வெளியிடாமல் இருந்தது. ஆனால் தற்போது வெளியிடப்பட்ட புதிய போஸ்டர், விஜய் நடுவில் நிற்கும் நிலையில், அவரைச் சுற்றியுள்ள மக்கள் அவரது நெஞ்சில் கை வைத்திருப்பதாகக் காட்டுகிறது. இது சமூக வலைதளங்களில் விரைவில் வைரலாகி உள்ளது.
மேலும், படத்தின் முதல் பாடல் நவம்பர் 8 (சனிக்கிழமை) அன்று வெளியிடப்படும் என்றும் படக்குழு அறிவித்துள்ளது. இது விஜய்யின் படத்தில் அறிமுகப் பாடலாக இருக்க வாய்ப்புள்ளது.
