“தேர்தல் நேர்மையாக நடக்க ஐஜி செந்தில்வேலனை மாற்ற வேண்டும்” – தலைமை தேர்தல் அதிகாரியிடம் பாஜக புகார்!
தமிழக உளவுத்துறை ஐஜி செந்தில்வேலன் மற்றும் சென்னை மாவட்ட தேர்தல் அதிகாரி குமரகுருபரன் ஆகியோரை தேர்தல் பணியிலிருந்து உடனடியாக நீக்க வேண்டும் என்று பாரதிய ஜனதா கட்சி வலியுறுத்தியுள்ளது.
இது தொடர்பாக, தமிழக தலைமை தேர்தல் அதிகாரி அர்ச்சனா பட்நாயக்கை நேரில் சந்தித்த பாஜக பிரதிநிதிகள் குழு, ஒரு புகார் மனுவை அளித்தது. அந்த மனுவில், நடைபெறவுள்ள தேர்தல் எவ்விதத் தலையீடும் இன்றி சுதந்திரமாகவும், நேர்மையாகவும் நடைபெறுவதை உறுதி செய்ய வேண்டும் என்றால், குறிப்பிட்ட இந்த இரு அதிகாரிகளையும் தேர்தல் பொறுப்புகளில் இருந்து மாற்ற வேண்டியது அவசியம் என்று சுட்டிக்காட்டப்பட்டுள்ளது.
தேர்தல் ஆணையம் இந்தப் புகாரின் மீது எடுக்கும் அடுத்தகட்ட நடவடிக்கை என்ன என்பது அரசியல் வட்டாரத்தில் எதிர்பார்ப்பை ஏற்படுத்தியுள்ளது.
