“தமிழக மக்கள் உதயநிதியை ஏற்க மாட்டார்கள்; ஆட்சி மாற்றத்திற்கான நேரம் வந்துவிட்டது” – மத்திய அமைச்சர் பியூஸ் கோயல் அதிரடி!
தமிழக மக்கள் உதயநிதி ஸ்டாலினை ஒருபோதும் முதலமைச்சராக ஏற்றுக்கொள்ள மாட்டார்கள் என்று மத்திய அமைச்சர் பியூஸ் கோயல் உறுதியாகத் தெரிவித்துள்ளார். மதுரை விமான நிலையத்தில் செய்தியாளர்களைச் சந்தித்த அவர், தமிழ் கலாச்சாரத்திற்கும் தமிழ் பெண்களுக்கும் மதிப்பளிக்காத ஒருவரைத் தமிழக மக்கள் ஒருபோதும் ஆதரிக்க மாட்டார்கள் என்று குறிப்பிட்டார்.
உதயநிதி ஸ்டாலினின் தொடர்ச்சியான கருத்துக்கள் தமிழக மக்களின் உணர்வுகளைக் காயம் அடையச் செய்துள்ளதாகக் குற்றம் சாட்டிய அமைச்சர், தற்போதைய திமுக ஆட்சி அகலும் நேரம் வந்துவிட்டதாகத் தெரிவித்தார். தமிழக மக்கள் தற்போது ஒரு பெரிய மாற்றத்தை விரும்புவதாகவும், விரைவில் தமிழகத்தில் தேசிய ஜனநாயகக் கூட்டணி (NDA) ஆட்சி அமைந்து, மாநிலத்தின் எதிர்காலத்தைப் புதிய பாதையில் மாற்றியமைக்கும் என்றும் அவர் நம்பிக்கை தெரிவித்தார்.
