வெறும் 84 ரூபாய் சொத்து மதிப்பு! கேரளத் தேர்தலில் கவனத்தை ஈர்க்கும் 26 வயது இளம்பெண் வேட்பாளர்!
கேரள மாநில சட்டமன்றத் தேர்தலில் போட்டியிடும் வேட்பாளர் ஒருவர், தனது சொத்து மதிப்பு வெறும் 84 ரூபாய் எனத் தாக்கல் செய்துள்ள வேட்புமனு, அரசியல் வட்டாரத்தில் பெரும் ஆச்சரியத்தையும் விவாதத்தையும் ஏற்படுத்தியுள்ளது. கோட்டயத்தைச் சேர்ந்த 26 வயதான ஆஷ்னா, “இந்திய சோசலிஸ்ட் ஒற்றுமை மையம்” (SUCI) என்ற இடதுசாரி அமைப்பின் சார்பில் எட்டுமானூர் சட்டமன்றத் தொகுதியில் போட்டியிடுகிறார்.
தேர்தல் ஆணையத்தில் அவர் தாக்கல் செய்துள்ள சொத்துக் கணக்கில், தன்னிடம் 40 ரூபாய் ரொக்கமாகவும், வங்கிக் கணக்கில் வெறும் 44 ரூபாய் மட்டுமே இருப்பதாகவும் குறிப்பிட்டுள்ளார். இன்றைய காலகட்டத்தில் வேட்பாளர்கள் பல கோடி ரூபாய் மதிப்பிலான சொத்துகளைப் பிரகடனம் செய்து வரும் நிலையில், ஒரு இளம்பெண் மிகக்குறைந்த சொத்து மதிப்புடன் தேர்தல் களத்தில் இறங்கியுள்ளது அனைவரின் கவனத்தையும் ஈர்த்துள்ளது. இவரது இந்த எளிமையான பின்னணி, சமூக வலைதளங்களில் பலராலும் பகிரப்பட்டு வருகிறது.
