திமுக எம்.பி. ஜெகத்ரட்சகனின் மது ஆலை வாகனத்தில் ஆவணமின்றி கொண்டு சென்ற ரூ.50 லட்சம் பறிமுதல்: தேர்தல் பறக்கும் படை அதிரடி!
சென்னை:
RelatedPosts
சென்னை சூளைப் பகுதியில் தேர்தல் பறக்கும் படை அதிகாரிகள் நடத்திய அதிரடி வாகன சோதனையில், திமுக எம்.பி. ஜெகத்ரட்சகனுக்குச் சொந்தமான மது ஆலை வாகனத்திலிருந்து உரிய ஆவணங்களின்றி கொண்டு செல்லப்பட்ட 50 லட்சம் ரூபாய் ரொக்கம் பறிமுதல் செய்யப்பட்டது. தேர்தல் நடத்தை விதிகள் அமலில் உள்ள நிலையில், சந்தேகத்திற்கு இடமான முறையில் வந்த அந்த காரை நிறுத்தி அதிகாரிகள் சோதனை செய்தபோது, பெரிய அளவிலான பணக்கட்டுக்கள் இருப்பது கண்டறியப்பட்டது.
பறிமுதல் செய்யப்பட்ட பணத்திற்கு உரிய ஆவணங்கள் எதுவும் இல்லாததால், அதிகாரிகள் உடனடியாக அந்தத் தொகையைக் கைப்பற்றினர். முதற்கட்ட விசாரணையில், அந்த வாகனம் ஜெகத்ரட்சகனின் மது ஆலைக்குச் சொந்தமானது என்பது உறுதி செய்யப்பட்டது. இதனைத் தொடர்ந்து, பறிமுதல் செய்யப்பட்ட 50 லட்சம் ரூபாயையும் அதிகாரிகள் எழும்பூர் கருவூலத்தில் ஒப்படைத்தனர். இச்சம்பவம் அரசியல் வட்டாரத்தில் பெரும் பரபரப்பை ஏற்படுத்தியுள்ளது.
