மேட்டூர் அணையிலிருந்து நீர் திறப்பு அளவு குறைப்பு
மேட்டூர் அணைக்கு வரும் நீர்வரத்து தொடர்ந்து குறைந்து வருவதால், காவிரி நதிக்கு திறக்கப்படும் நீரின் அளவும் குறைக்கப்பட்டது.
நேற்று முன்தினம் விநாடிக்கு 45,500 கனஅடி அளவில் நீர் வந்த நிலையில், அது நேற்று மதியம் 30,500 கனஅடியாகவும், மாலை 25,500 கனஅடியாகவும் குறைந்தது. இதனைத் தொடர்ந்து, காவிரிக்குத் திறக்கப்பட்டிருந்த நீரின் அளவும் 45,000 கனஅடியில் இருந்து 25,000 கனஅடியாக குறைக்கப்பட்டுள்ளது.
அணை மற்றும் சுரங்க மின் நிலையம் வழியாக 22,500 கனஅடி நீரும், 16 கண் மதகுகள் வழியாக 2,500 கனஅடி நீரும் திறக்கப்படுகிறது. அதேசமயம், கால்வாய் பாசனத்துக்காக 500 கனஅடி நீர் திறக்கப்பட்டுள்ளது. தற்போதைய அணை நீர்மட்டம் 120 அடி ஆகவும், நீர் இருப்பு 93.47 டிஎம்சி ஆகவும் உள்ளது.
இதேபோல், தருமபுரி மாவட்டம் ஒகேனக்கல் பகுதியில் காவிரியில் நேற்று முன்தினம் விநாடிக்கு 43 ஆயிரம் கனஅடி நீர்வரத்து இருந்தது. அது நேற்று மாலை 32 ஆயிரம் கனஅடியாக குறைந்தது. இதனால், ஒகேனக்கல் அருவியில் குளிப்பதும், பரிசல் இயக்கமும் மீதமுள்ள தடை தொடர்ந்து அமலில் உள்ளது.
