புதுக்கோட்டையில் துணை முதல்வர் உதயநிதி ஸ்டாலின் பங்கேற்ற விழாவில் பிளக்ஸ் பேனர் சர்ச்சை
புதுக்கோட்டையில் நடைபெற்ற துணை முதல்வர் உதயநிதி ஸ்டாலின் கலந்து கொண்ட விழாவில், பிளக்ஸ் பேனர் தொடர்பாக தி.மு.க.வினரிடையே அதிருப்தி ஏற்பட்டுள்ளது.
துணை முதல்வரை வரவேற்கும் வகையில் நடைபெற்ற விழாவுக்காக, திருமண மண்டபத்திற்கு எதிரே அமைச்சர் ரகுபதி பெயர் அச்சிடப்பட்ட பெரிய அளவிலான பிளக்ஸ் பேனர் வைக்கப்பட்டிருந்தது. இதில், அமைச்சர் மெய்யநாதன் மற்றும் தி.மு.க. வடக்கு மாவட்டச் செயலாளர் கே.கே. செல்லபாண்டியன் ஆகியோரின் படம் மற்றும் பெயர் இடம்பெறவில்லை என கூறப்படுகிறது.
இதனால், கட்சியினரிடையே அதிருப்தி ஏற்பட்டதாக தகவல்கள் வெளியாகின. இதனைத் தொடர்ந்து, அமைச்சர் ரகுபதி தரப்பினர், துணை முதல்வர் வருகைக்கு முன்பாகவே பேனரை திருத்தி மீண்டும் அச்சடித்தனர்.
இந்த சம்பவம் விழா நடைபெறும் பகுதியில் பரபரப்பை ஏற்படுத்தியதுடன், கட்சி வட்டாரங்களிலும் பேசுபொருளாக மாறியுள்ளது
