மகா சிவராத்திரி: திருநள்ளாறில் 21வது ஆண்டு நாட்டியாஞ்சலி விழா சிறப்பாக நடைபெற்றது
மகா சிவராத்திரி விழாவை முன்னிட்டு வளாகத்தில் 21வது ஆண்டு நாட்டியாஞ்சலி நிகழ்ச்சி சிறப்பாக நடைபெற்றது.
ஆலயத்தில் ஆண்டுதோறும் நடைபெறும் இந்த கலைவிழா, இவ்வாண்டும் பக்தி உணர்வும் கலை நயமும் இணைந்த நிகழ்வாக அமைந்தது. தொடக்கமாக கோயில் நிர்வாக அலுவலர் குத்துவிளக்கேற்றி விழாவை தொடங்கி வைத்தார்.
இந்த நிகழ்ச்சியில் புதுச்சேரி மட்டுமின்றி, சிங்கப்பூர், துபாய், இத்தாலி உள்ளிட்ட பல்வேறு நாடுகளைச் சேர்ந்த கலைஞர்கள் கலந்து கொண்டு பரதநாட்டியம் ஆடி சிவபெருமானுக்கு அஞ்சலி செலுத்தினர். வெளிநாடுகளிலிருந்து வந்த கலைஞர்களின் பங்கேற்பு நிகழ்ச்சிக்கு சர்வதேச சிறப்பை சேர்த்தது.
நிகழ்வை திரளான பக்தர்கள் மற்றும் பொதுமக்கள் ஆர்வமுடன் கண்டு ரசித்தனர். மகா சிவராத்திரியை முன்னிட்டு நடைபெற்ற இந்த நாட்டியாஞ்சலி, பக்தி மற்றும் பாரம்பரிய கலைகளின் சங்கமமாக அமைந்தது.
