அமைச்சர் காந்தி–முதலமைச்சர் ஸ்டாலின் இடையே இடைவெளி? திமுக வட்டாரங்களில் பரபரப்பு
அமைச்சர் காந்தி மீது முதலமைச்சர் ஸ்டாலின் தொடர்ந்து அகவணக்கம் காட்டவில்லை என்ற குற்றச்சாட்டுகள் எழுந்துள்ள நிலையில், திமுக வட்டாரங்களில் பேசுபொருளாகியுள்ளது.
சென்னையில் கைத்தறித் துறை சார்பில் நடைபெற்ற நிகழ்ச்சியில் முதலமைச்சர் ஸ்டாலின் கலந்துகொண்டபோதும், அமைச்சர் காந்தி வராதது கவனத்தை ஈர்த்தது. இதனால் அதிருப்தியடைந்த முதலமைச்சர், பின்னர் நடைபெற்ற வேறு ஒரு நிகழ்வில் அமைச்சர் காந்தியிடம் கடுமையாக கருத்து தெரிவித்ததாக தகவல்கள் கூறுகின்றன.
இந்தச் சம்பவம் கட்சிக்குள் அதிர்வை ஏற்படுத்திய நிலையில், ராணிப்பேட்டை மாவட்டம் பனப்பாக்கத்தில் புதிய தொழிற்சாலை திறப்பு விழா நடைபெற்றது. இதில் முதலமைச்சரை வரவேற்க அமைச்சர் காந்தி தனது ஆதரவாளர்களுடன் முன்கூட்டியே காத்திருந்தார்.
RelatedPosts
ஆனால், இந்த ஏற்பாடுகளைத் தவிர்த்து முதலமைச்சர் வேறு பாதையை பயன்படுத்தி நேரடியாக விழா நடைபெறும் இடத்துக்குச் சென்றதாக கூறப்படுகிறது. இதனால் மனவருத்தமடைந்த அமைச்சர் காந்தி உடனடியாக நிகழ்ச்சி நடைபெறும் இடத்திற்கு சென்றார். அங்கும் அவருடன் முதலமைச்சர் தனிப்பட்ட முறையில் உரையாடவில்லை என தகவல்கள் தெரிவிக்கின்றன.
அமைச்சர் காந்தி மீது தொடர்ச்சியாக காணப்படும் இந்த அணுகுமுறை, திமுக அமைப்பினருக்குள் மேலும் விவாதத்தையும் சலசலப்பையும் உருவாக்கியுள்ளது.
