Spinal Muscular Atrophy நோயால் அவதிப்படும் 1.5 வயது குழந்தை – சிகிச்சைக்காக பொதுமக்கள் உதவி கோரும் பெற்றோர்
கோவை அருகே வசிக்கும் தம்பதியரின் ஒன்றரை வயது குழந்தை, Spinal Muscular Atrophy (SMA) எனப்படும் அரிய தசைநார் பாதிப்பு நோயால் பாதிக்கப்பட்டுள்ளது. சிகிச்சைக்காக அதிக செலவு தேவைப்படுவதால், பெற்றோர் சமூகத்தின் உதவியை நாடியுள்ளனர்.
கோவை மாவட்டம் துடியலூரைச் சேர்ந்த அஜய் சில்விஸ்டர் – சரண்யா தம்பதியரின் குழந்தைக்கு இந்த கடுமையான நோய் இருப்பது மருத்துவ பரிசோதனையில் உறுதி செய்யப்பட்டுள்ளது. இதன் காரணமாக, பிற குழந்தைகளைப் போல இயல்பாக கை, கால்களை அசைப்பதிலும் வளர்ச்சி அடைவதிலும் சிரமம் நிலவுகிறது.
RelatedPosts
இந்த நோய்க்கான சிறப்பு ஊசி மருந்து சிகிச்சைக்கு சுமார் ஒன்றரை கோடி ரூபாய் வரை செலவாகும் என தெரிவிக்கப்பட்டுள்ளது. இத்தகைய பெரிய தொகையை ஏற்பாடு செய்ய முடியாமல் பெற்றோர் கவலையில் உள்ளனர்.
இதுகுறித்து மாநில முதல்வர், பிரதமர் அலுவலகம் மற்றும் மாவட்ட ஆட்சியரிடம் மனுக்கள் அளித்தும் இதுவரை உதவி கிடைக்கவில்லை என கூறப்படுகிறது. எனவே, தொண்டு நிறுவனங்கள் மற்றும் உதவி செய்ய விரும்பும் பொதுமக்கள் தங்களால் இயன்ற அளவில் ஆதரவு வழங்குமாறு குழந்தையின் பெற்றோர் வேண்டுகோள் விடுத்துள்ளனர்.
